యూఎస్‌ను వదలని బాహుబలి ఫీవర్.. ఫుట్‌బాల్ కోర్టులో సాహోరే బాహుబలి.. వీడియో వైరల్!

అమెరికాలో బాహుబలి ఫీవర్

ఇటీవల అమెరికాలోని ఫ్లోరిడా ఓర్లాండ్‌లోని నేషనల్ బాస్కెట్‌బాల్ అసోసియేషన్ (ఎన్‌బీఏ) మ్యాచ్‌లను నిర్వహించింది. క్రీడాకారులను, క్రీడాభిమానులను ఉత్తేజపరుచడానికి బాహుబలి2లోని సాహోరే బాహుబలి అనే పాటకు కొందరు కళాకారులు డ్యాన్స్ చేశారు. దాంతో ఆడిటోరియం అంతా సందడిగా మారింది.

ఎన్‌బీఏ కోర్టులో బాహుబలి

సాహోరే బాహుబలి పాటకు చేసిన డ్యాన్స్ వీడియోను ఎన్‌బీఏ తన ఫేస్‌బుక్‌లో పోస్ట్ చేసి షేర్ చేసింది. దాంతో ఆ వీడియో వైరల్‌గా మారింది. దాదాపు ఆ వీడియోను దాదాపు 10 లక్షల మంది ఇప్పటివరకు వీక్షించారు. ఓర్లాండో అభిమానులు దేశీ పాటకు చిత్తయిపోయారు అని రాసి వీడియోను పోస్ట్ చేయడం గమనార్హం.

యూఎస్‌లో బాహుబలి 100 కోట్లు

ఇదిలా ఉండగా, ఓవర్సీస్ మార్కెట్‌లో భాషాభేదం లేకుండా బాహుబలి రికార్డులను బ్రేక్ చేసింది. ఈ చిత్రం అమెరికాలో రూ.100 కోట్లు వసూలు చేసి నాన్ హాలీవుడ్ క్యాటగిరిలో దుమ్ము రేపింది. బాహుబలిని కట్టప్ప ఎందుకు చంపారనే ప్రశ్న ఓవర్సీస్ ప్రేక్షకులను కూడా వెంటాడింది.

బాహుబలి 1000 కోట్లు

సెన్సేషనల్ డైరెక్టర్ రాజమౌళి రూపొందించిన బాహుబలి2 చిత్రంలో ప్రభాస్, రానా దగ్గుబాటి, అనుష్కశెట్టి, రమ్యకృష్ణ, తమన్నా తదితరులు నటించిన సంగతి తెలిసిందే. ఈ చిత్రం ఇండియన్ సినిమా రికార్డులను తిరుగరాస్తూ రూ.1000 కోట్లు వసూలు చేసిన సంగతి తెలిసిందే.