Don't Miss!
- News ఏప్రిల్ లో అంగారక యోగం: ఈ మూడు రాశుల వారికి ఆర్థిక నష్టాలు, ఊహించని కష్టాలు
- Sports RR vs DC: కన్నీటి పర్యంతమైన రియాన్ పరాగ్!
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
సుదీప్కు మరో హిట్: తెలుగువాడు కాకున్నా బాహుబలికి బ్రహ్మరథం
బెంగళూరు: భారతదేశ సినీ చరిత్రలో నిర్మించిన బాహుబలి లాంటి చిత్రాన్ని తాము ఎప్పుడు చూడలేదని కర్ణాటకలోని తెలుగు ప్రజలు అంటున్నారు. బాహుబలి చిత్రాన్ని తెరకెక్కించిన రాజమౌళి ఒక గొప్ప దర్శకుడు అన్నారు, అతను మన తెలుగు వాడు అయినందకు చాల గర్వంగా ఉందని చెబుతున్నారు.
ఏ హీరో సినిమా అయినా, ఏ భాషకు చెందిన సినిమా అయినా కర్ణాటకలో ఉదయం 10.30 గంటలకు మొదటి షో ప్రదర్శించడం ఆనవాయితీ. అయితే బహుబలి సినిమా బెంగళూరు నగరంలోని అనేక థియేటర్లలో ఉదయం 6 గంటలకు ప్రత్యేక షోలు వేశారు.
గురువారం రోజు టిక్కెట్లు అన్నీ అమ్ముడు పోయాయి. టిక్కెట్లు తీసుకున్న అభిమానులు వేకువ జామున నుండి థియేటర్ల దగ్గర క్యూ కట్టారు. ప్రతేక షోలు ఉన్నాయని తెలిసి టిక్కెట్లు లేకుండ థియేటర్ల దగ్గరకు వెళ్లిన అభిమానులు చాల నిరాశకు గురైనారు.
బెంగళూరు నగరంలో మల్టిఫ్లెక్స్ లలో 40 స్క్రీన్ లలో బాహుబలి సినిమా విడుదల అయ్యింది. ఇక దాదాపు 50కి పైగా సింగిల్ స్క్రీన్ థియటర్ల లో బాహుబలి విడుదల అయ్యింది. కన్నడ హీరో సుదీప్ ఈ చిత్రంలో ఉండంతో కన్నడిగులు పెద్ద ఎత్తున థియేటర్ల దగ్గరకు పరుగు తీశారు.
భాషా బేదం లేకుండ బాహుబలి సినిమా విడుదల అయ్యింది. కర్ణాటకలోని పలు జిల్లాలలో గురువారం టిక్కెట్లు విక్రయించడం, మొదటి షో బాహుబలి రిలీజ్ కాకపోవడంతో అభిమానులు థియేటర్ల మీద రాళ్ల వర్షం కురిపించారు. కన్నడకు చెందిన పలు టీవీ చానెల్స్ లో శుక్రవారం ఉదయం నుండి బాహుబలి సినిమా చాలా బాగుందని చెబుతూ ప్రేక్షల అభిప్రయాలను ప్రసారం చేశాయి.
కన్నడ సినీరంగానికి చెందిప పలువురు దర్శకులు, నిర్మాతలు, నటీ నటులు శుక్రవారం మొదటి షోను వీక్షించి వారి అభిప్రాయం వ్యక్తం చేశారు. సినిమా చాల బాగుందని కితాబు ఇచ్చారు. కర్ణాటకలోని 10 జిల్లాలలో బాహుబలి సినిమా విడుదల అయ్యింది.