Don't Miss!
- Lifestyle సమ్మర్ బ్లాక్ బస్టర్ రిసిపి మ్యాంగో చికెన్ కర్రీ..!ఒక్కసారి రుచి చూస్తే మళ్లీ మళ్లీ తినాలనిపిస్తుంది
- Finance Amitabh Kant: 2047 నాటికి 35 ట్రిలియన్ డాలర్ల ఆర్థిక వ్యవస్థగా భారత్..
- Sports తలతిక్క నిర్ణయాలు: ఆ టీమ్కు అసలు సెన్స్ ఉందా: మాజీ లెజెండ్ ఫైర్
- Automobiles ముంబయి- అహ్మదాబాద్ బుల్లెట్ ట్రైన్ కోసం ‘బాలస్ట్లెస్' ట్రాక్.. దీని ప్రత్యేకతలు తెలుసా.??
- News ఎన్నికల వేళ ధర్మవరం లో నువ్వా -నేనా, సై..!!
- Travel గుడ్ప్రైడే రోజున లాంగ్వీకెండ్ ప్లాన్ చేస్తున్నారా? అయితే ఈ ప్లేస్లు చూసేయండి...
- Technology వాట్సాప్ కాలింగ్ ఫీచర్ వినియోగిస్తున్నారా.. అయితే ఈ అప్డేట్ మీకోసమే..!!
బాలయ్యతో చేయడం ఇష్టం లేక ఫోన్ స్విచాఫ్ పెట్టా, ఫ్యాన్స్ తిట్టారు: బాహుబలి ప్రభాకర్
Recommended Video
టాలీవుడ్ నట సింహం బాలకృష్ణ గురించి తరచూ ఓ ఆరోపణ వినిపిస్తూ ఉంటుంది. ఆయనకు చాలా కోపం అని, సెట్స్లో అందరిపై అరుస్తూ ఉంటారని, ఆయనతో చేయడానికి దర్శకులు, నటులు భయపడతారని...ఇలా రకరకాల ప్రచారం ఉంది. ఈ ప్రచారం విని కొందరు దర్శకులు, నటులు కూడా బాలయ్యతో చేయడానికి భయపడిన సందర్బాలు ఉన్నాయి. ఇలా భయపడ్డవారంతా ఆయనతో పని చేసిన తర్వాత తమ తమ అభిప్రాయాలు పూర్తిగా మార్చుకున్నారు. తాజాగా బాహుబలి ఫేం ప్రభాకర్ బాలయ్య గురించి ఆసక్తికర విషయాలు చెప్పారు.
బాలకృష్ణకు మెయిన్ విలన్గా
బాలకృష్ణ హీరోగా వచ్చిన ‘జై సింహ' చిత్రంలో మెయిన్ విలన్ పాత్ర పోషించిన ప్రభాకర్ బాలయ్య గురించి తన తాజా ఇంటర్వ్యూలో వెల్లడించారు. ‘జై సింహ' చిత్రంలో తనకు చాలా మంచి రోల్ వచ్చిందని, మర్యాద రామన్న, బాహుబలి తర్వాత తనకు వచ్చిన బెస్ట్ రోల్ ఇదే అని ప్రభాకర్ తెలిపారు.
బాలయ్య అలాంటివారు కాదు
బాలకృష్ణ గారితో చేసేపుడు ఏ సీన్లోనూ తనబడలేదని, ఎదుటివారు తడబడే విధంగా బాలకృష్ణ ప్రవర్తించరని, తన తోటి నటులను ఎంకరేజ్ చేస్తారని, చాలా ఫ్రెండ్లీగా ఉంటారని ప్రభాకర్ తెలిపారు.
బాలయ్య సినిమాతో సినిమా అనగానే ఫోన్ స్విచాఫ్ పెట్టాను
మర్యాద రామన్న షూటింగ్ జరిగే సమయంలోనే దాసరిగారి డైరెక్షన్లో బాలయ్య చేస్తున్న ‘పరమ వీర చక్ర' సినిమాలో ఓ క్యారెక్టర్ చేయమని ఫోన్ వచ్చింది. అయితే అప్పటి నాకు బాలయ్య గురించి కొందరు చెప్పిన మాటలు విని ఆ సినిమాలో చేయడానికి భయ పడ్డాను, రిస్క్ ఎందుకని నా ఫోన్ స్విచాఫ్ పెట్టుకున్నానని ప్రభాకర్ తెలిపారు.
బాలయ్య గురించి అదంతా అబద్దం
బాలయ్య సెట్లో చాలా సీరియస్ గా ఉంటారని, తోటి ఆర్టిస్టులపై ఫైర్ అవుతారని కొందరు చెప్పారని.... అయితే అదంతా అబద్దమని తర్వాత తెలిసిందని, ‘జై సింహ' సినిమాలో బాలయ్యతో కలిసి 29 రోజులు నటించాను. ఆయన్ను చాలా దగ్గర నుండి పరిశీలించాను. ఆయనది చాలా ఫ్రెండ్లీ నేచర్. అపుడు అనవసరంగా చాన్స్ మిస్ చేసుకున్నాననే ఫీలింగ్ కలిగిందని ప్రభాకర్ తెలిపారు.
బాలయ్య ఎనర్జీ సూపర్
బాలయ్యలో ఎనర్జీ సూపర్గా ఉంటుంది. ఆయన డైలాగులు చెబుతుంటే మనలోనూ ఇంకా బాగా చేయాలనే ఉత్సాహం వస్తుంది. ఆయనతో కంపేర్ చేసుకోవడం తప్పు, కాక పోతే ఆయనలా చేయాలనే ప్రయత్నం మాత్రం చేయాలి అని ప్రభాకర్ తెలిపారు.
బాలయ్యను కొట్టే సీన్
‘జై సింహ' సినిమాలో ఫస్ట్ ఫైట్ సీన్లో బాలకృష్ణ గారు నన్ను కొట్టరు. నేనే ఆయన్ను కొడుతుంటాను. నేను కొడుతుంటే ఆయన గాల్లో ఎగిరిపోతూ ఉంటారు. ఆయన తిరిగి కొడతారని ఫ్యాన్స్ ఎక్స్ పెక్ట్ చేస్తారు. కానీ అలా జరుగదు. ఈ సీన్ చూసి అభిమానులు చాలా ఫీలయ్యారు అని ప్రభాకర్ తెలిపారు.
కొందరు ఫ్యాన్స్ తిట్టారు
ఎవరూ గుర్తు పట్టకుండా వెళ్లి థియేటర్లో రెస్పాన్స్ ఎలా ఉందో చూశాను. నేను బాలయ్యను కొట్టే సీన్ వచ్చినపుడు అభిమానులు ఎవడ్రా వీడూ అంటూ నన్ను తిట్టుకోవడం చూశాను. వాళ్లు తిడుతున్నారంటే ఆ సీన్లో ఎమోషన్స్ వారికి టచ్ అయిందని, సీన్ బాగా పండినట్లే అని అర్థం చేసుకోవాలి అని ప్రభాకర్ తెలిపారు.