Don't Miss!
- Finance Sensex News: 1000 పాయింట్లు పెరిగిన సెన్సెక్స్.. దలాల్స్ట్రీట్ దున్నేస్తున్న బుల్స్..
- News ఏపీలో విపక్షాల ఫిర్యాదుల వేళ ఈసీ కీలక నిర్ణయం..! ఢిల్లీ నుంచి ఆ ముగ్గురు..
- Sports క్లాసెన్కు కావ్య మారన్ స్పెషల్ గిఫ్ట్!
- Automobiles హ్యుందాయ్ కస్టమర్లకు అదిరిపోయే న్యూస్.. వేసవిలో ప్రత్యేకంగా సర్వీస్ క్యాంప్.. ఎప్పటివరకు అంటే.??
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
- Lifestyle నోరూరించే పచ్చి మామిడికాయ గొజ్జు మామిడికాయ కర్రీ వేడివేడి అన్నంతో తింటుంటే ఆహా అనాల్సిందే..
- Technology ఆపిల్ వరల్డ్ వైడ్ డెవలపర్ కాన్ఫరెన్స్ 2024 తేదీ వెల్లడి.. iOS 18, GenAI పై కీలక ప్రకటనలకు అవకాశం..!
అభిమానులకు ప్రభాస్ సారీ.. ఇక ముందు అలా జరగదు.
గత ఐదేండ్లలో ప్రభాస్ నటించినవి రెండే రెండు చిత్రాలు. అవి కూడా బాహుబలి ది బిగినింగ్, బాహుబలి ది కన్క్లూజన్ సినిమాలే. ప్రతి చిత్రానికి మధ్య రెండేళ్ల గ్యాప్ ఉండటంపై ఇటీవల బాహుబలి2 ప్రమోషన్ కార్యక్రమంలో
ఏ సినీ నటుడి అభిమానులైనా తమ హీరో ఏడాదికి ఎక్కువ సినిమాల్లో కనిపించాలని కోరుకొంటారు. ప్రభాస్ అభిమానులు కూడా అలా కోరుకోవడంలో తప్పేమీ లేదు. కానీ గత ఐదేండ్లలో ప్రభాస్ నటించినవి రెండే రెండు చిత్రాలు. అవి కూడా బాహుబలి ది బిగినింగ్, బాహుబలి ది కన్క్లూజన్ సినిమాలే. ప్రతి చిత్రానికి మధ్య రెండేళ్ల గ్యాప్ ఉండటంపై ఇటీవల బాహుబలి2 ప్రమోషన్ కార్యక్రమంలో అభిమానులకు ప్రభాస్ క్షమాపణలు చెప్పాడు.
మిర్చి తర్వాత రెండేళ్లకు..
బాహుబలి చిత్రానికి ముందు ప్రభాస్ నటించిన చిత్రం మిర్చి. ఆ సినిమా 2013 ఫిబ్రవరి 8 తేదీన విడుదలైంది. కొరటాల శివ దర్శకత్వం వహించిన మిర్చి ప్రభాస్ కెరీర్లోనే భారీ హిట్గా నిలిచింది. ఆ సినిమా తర్వాత బాహుబలి 2015 జూలై 10న విడుదలైంది. అంటే దాదాపు మిర్చి తర్వాత రెండున్నర ఏళ్లు గ్యాప్. బాహుబలి సంచలన విజయం సాధించింది కాబట్టి అభిమానులకు నిరాశ కలుగలేదు.
ప్రభాస్ ఆవేదన..
బాహుబలి 1 చిత్రం తర్వాత అంటే దాదాపు రెండు సంవత్సరాల అనంతరం బాహుబలి2 విడుదల కానున్నది. మంచి రేంజ్లో ఉన్న హీరోలు రెండేళ్లకోసారి సినిమా తీయడం ఎంతైనా అభిమానులకు జీర్ణించుకోలేని విషయం. ఈ విషయంపై ప్రభాస్ కూడా పలు సందర్భాల్లో తన ఆవేదన వ్యక్తం చేశాడు.
ఫ్యాన్స్కు ఇబ్బందే..
బాహుబలి2 విడుదలకు ముందు పలు టీవీ చానెళ్లతో ప్రభాస్, అనుష్కతో కలిసి ముచ్చటించారు. ఈ సందర్భంగా ఆయన మాట్లాడుతూ.. ప్రతీ చిత్రానికి రెండేళ్ల గ్యాప్ ఉండటం నా ఫ్యాన్స్కు ఇబ్బందిగా మారింది. బాహుబలి సినిమా నేపథ్యంలో గత ఐదేండ్లలో రెండు సినిమాలు చేయడం అభిమానులకు నచ్చడం లేదు. అందుకు నా అభిమానులక క్షమాపణ చెప్తున్నాను. ఇక నుంచి అలా జరుగకుండా జాగ్రత్తలు తీసుకొంటున్నాను అని ప్రభాస్ తెలిపాడు.
ఏడాదికి రెండు సినిమాలు
బాహుబలి తర్వాత ప్రతీ ఏడాదికి రెండు సినిమాలు చేయాలని అనుకొన్నాను. ప్రతీ సంవత్సరం రెండు సినిమాలు విడుదల అయ్యేలా ప్లాన్ చేస్తున్నాం. కొన్నిసార్లు క్వాలిటీ కోసం సాధ్యపడకపోవచ్చు. అయినా ఏడాదికి రెండు సినిమాలు గ్యారెంటీగా విడుదలయ్యేలా ప్లాన్ చేస్తున్నాను. అది జరుగుతుంది. ఇంతగా నా సినిమాల కోసం ఎదురుచూస్తూ నిరాశ చెందుతున్న అభిమానులకు మరోసారి క్షమాపణ చెప్తున్నాను. ఇక నుంచి సినిమాలు చేయడంలో దూకుడు కొనసాగుతుందని ప్రభాస్ అన్నాడు.
ఏప్రిల్ 28న బాహుబలి2
బాహుబలి సిరీస్లో భాగంగా బాహుబలి ది కన్క్లూజన్ చిత్రం ఏప్రిల్ 28న విడుదలకు సిద్ధమవుతున్నది. ఈ చిత్రంలో అనుష్క, రానా దగ్గుబాటి, తమన్నా, నాజర్, రమ్యకృష్ణ తదితరులు నటించారు. దర్శకుడు రాజమౌళి దీనిని అద్భుతంగా తీర్చిదిద్దినట్టు వార్తలు వస్తున్నాయి.