వినాయక్ మొహమాటపడ్డారు.. ఒక్క మెసేజ్! ఎక్కడికైనా వస్తా: ప్రభాస్

'యోగి'తో అలా ఫీలయ్యా: ప్రభాస్

'వినాయక్‌'తో యోగి సినిమా చేశా. నా జీవితంలో ఏ సినిమాకీ అంత ఆనందంగా పనిచేయలేదు. అందుకే వినాయక్‌ అంటే నాకు చాలా ఇష్టం.

ఎక్కడికైనా వస్తా..:

'ఇంటిలిజెంట్' సినిమా పాట విడుదల చేయాలి... వస్తావా? అని వినాయక్ మొహమాటపడుతూ అడిగారు. ఆయన ఫోన్‌లో చిన్న మెసేజ్‌ ఇస్తే చాలు ఎక్కడికి రమ్మంటే అక్కడికి వస్తా. ఆయనపై అభిమానం అలాంటిది.

ఆత్రుతగా ఉంది:

చిరంజీవిగారి కెరీర్‌లో వన్ ఆఫ్ ది బెస్ట్ అయిన 'చమకు చమకు ఛాం' సాంగ్ ను ఈ సినిమా కోసం రీమేక్ చేశారు. అప్పటి పాటలో చిరంజీవి అదిరిపోయే స్టెప్పులేశారు. మరి సాయిధరమ్‌ తేజ్‌ ఎలా వేశాడో చూడాలని ఆత్రుతగా ఉంది.

ప్రాణమిచ్చే వ్యక్తి..: వివి వినాయక్

స్నేహానికి ప్రాణం ఇస్తాడు ప్రభాస్‌. చిన్న చిన్న విషయాలకే సంతోషపడిపోతాడు. ఆ ఆనందాన్ని ఈరోజు మా అందరికీ పంచాడు. టీజర్‌ చూసిన వాళ్లంతా తేజు చిరంజీవిలా ఉన్నాడని చెబుతుంటే ఆనందంగా ఉంది.

ప్రభాస్ మా కుటుంబ సభ్యుడు: సాయిధరమ్ తేజ్

ప్రభాస్‌ని మా కుటుంబ సభ్యుడిలా భావిస్తాం. తన చేతులమీదుగా ఈ పాట విడుదలకావడం ఆనందంగా ఉంది. ఈ సినిమాలోని నాలుగు పాటలను నాలుగు దఫాలుగా విడుదల చేయబోతున్నాం. ఫిబ్రవరి 9న విడుదలవబోయే ఈ సినిమాను ప్రేక్షకులంతా ఆదరిస్తారని భావిస్తున్నాను.

'లెట్స్ డూ':

ఇంటిలిజెంట్ లోని 'లెట్స్ డూ' పాటను ప్రభాస్ తాజాగా విడుదల చేశారు. ఈ చిత్రానికి అభిమానుల నుంచి మంచి స్పందన లభిస్తోంది. సినిమాకు థమన్ సంగీతం అందించారు. రచయిత ఆకుల శివ కథ అందించారు. నిర్మాత సి.కల్యాణ్.