Don't Miss!
- Sports చరిత్ర సృష్టించిన ధోనీ.. ఒకే ఒక్కడు
- News కాంగ్రెస్ సర్కారును టచ్ చేస్తే..: బీజేపీ, బీఆర్ఎస్లకు సీఎం రేవంత్ హెచ్చరిక
- Automobiles వెస్పా 140 వ యానివర్సరీ వేడుకలు.. స్పెషల్ ఎడిషన్ స్కూటర్ లాంచ్..
- Lifestyle వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
- Technology రియల్మి ప్యాడ్ 2 వైఫై వేరియంట్ సేల్ ప్రారంభం.. రూ.2000 తగ్గింపు.. ఆఫర్ కొన్నిరోజులు మాత్రమే..!!
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
సెకండ్ గ్రేడ్ ఆర్టిస్ట్.. ఏమీ సాధించని అమ్మాయి.. నిహారిక పెళ్లిపై బాబు గోగినేని కామెంట్స్
హేతువాదిగా, నాస్తికుడిగా బాబు గోగినేని చెప్పే ఉపన్యాసాలు, సూక్తుల గురించి అందరకీ తెలిసిందే. అన్నింటిని తర్కబుద్దితో ఆలోచించే బాబు గోగినేని బిగ్ బాస్ షో సెకండ్ సీజన్ కంటెస్టెంట్గా పాల్గొని ఉన్న ఇమేజ్ను పాడు చేసుకున్నాడు. అప్పటి వరకు బాబు గోగినేని అంటే అందరికీ పాజిటివ్ ఇమేజ్ ఉండేది. కానీ ఆ షో తరువాత ఆయన ఇమేజ్ పూర్తిగా మారిపోయింది. మళ్లీ ఇన్నాళ్లకు బాబు గోగినేని సోషల్ మీడియాలో వైరల్ అవుతున్నాడు.
సెకండ్ సీజన్లో అలా..
బాబు గోగినేని సెకండ్ సీజన్లో పన్నిన పన్నాగాలు, వేసిన ప్లాన్లు అన్నీ ఇన్నీ కాదు. కౌశల్కు వ్యతిరేకంగా ఉండటం, బయటకు వెళ్లాక కూడా అతని ఎలా ఎలిమినేట్ చేయాలో దానికోసమే పని చేస్తానని చెప్పడంతో కౌశల్ ఆర్మీ దెబ్బకు ఎలిమినేట్ కావాల్సి వచ్చింది. గీతా మాధురితోనూ బాబు గోగినేని వాగ్వాదం ఇలా చాలా విషయాల్లో అతనికి నెగెటివ్ ఇమేజ్ వచ్చింది.
కౌశల్పై అలా..
సీజన్ అయిపోయాక కూడా బాబు గోగినేని కౌశల్ మధ్య వేడి చల్లార లేదు. కౌశల్ అక్రమంగా గెలిచాడంటూ వాగ్వాదానికి దిగేవాడు. అలా మీడియా ముఖంగానే ఎన్నో సార్లు బాబు గోగినేని కౌశల్ మధ్య ఎన్నో గొడవలు జరిగాయి. ఆ మధ్య కౌశల్, కౌశల్ ఆర్మీపై వచ్చిన ఆరోపణల సమయంలో బాబు గోగినేని బాగానే హల్చల్ చేశాడు.
తాజాగా మరో సారి..
అయితే ఇన్నాళ్లు సైలెంట్గా ఉన్న బాబు గోగినేని తాజాగా నిహారిక పెళ్లిపై కామెంట్ చేశాడు. మామూలుగా సెలెబ్రిటీల పెళ్లి అంటే మీడియా ఎలా కవర్ చేస్తుందో అందరికీ తెలిసిందే. నిహారిక పెళ్లి గురించి మీడియాలో వచ్చిన వార్తలపై బీబీసీ తెలుగు ఓ వార్తను రివ్యూగా ప్రచురించింది. ఆ విషయం బాబు గోగినేనికి నచ్చనట్టుంది. వాటిపై తన శైలిలో విమర్శనాస్త్రాలు సంధించాడు.
అవి కూడా..
దీనికి తోడు BBC వారు పుణ్యం కట్టుకొని తిరుమల, యాదాద్రి లో దేవుళ్ళ నిద్రా శయనాల సమయాలూ, క్యూ టైమింగులు కూడా క్రమం తప్పకుండా చెప్తే మిగతా తెలుగు మాధ్యమాలలా మీరు లేరు ఏమిటీ అన్న బెంగ పోతుంది మాకు అంటూ బాబు గోగినేని సెటైర్ వేశాడు.
Recommended Video
సెకండ్ గ్రేడ్ ఆర్టిస్ట్ కూతురు..
టీవీ లో కనిపించే ఎకిలి నవ్వుల సెకండ్ గ్రేడ్ ఆర్టిస్ట్ కూతురు పెళ్లి ఇంకో రాష్త్రం లో జరుగుతుంటే, ఇప్పటివరకూ ఒకరి కూతురిగా కాక ఇంకే విధమైన సొంత అచ్చీవ్ మెంట్ లేని వారి కథనాన్ని ఇంకో పత్రిక ప్రచురిస్తే, ఆ పత్రికలోని వందల కథనాలతో మీరు దీనిని ఎన్నుకుని దాన్ని మీ ప్రెస్ రివ్యూ లో ప్రచురించడం భలే సంబరంగా ఉంది. వెడ్డింగ్ కార్డ్ కూడా చూపిస్తే బాగుండేదంటూ బాబు గోగినేని కౌంటర్ వేశాడు.