Don't Miss!
- News ఎంపీ ఎన్నికల బరిలో బర్రెలక్క.. ఇంపాక్ట్ ఉంటుందా?
- Lifestyle గాడిదపాలు అమ్మి కోట్ల వ్యాపారం.. లీటరు ధర రూ.7,000లు పైమాటే..!
- Automobiles ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- Sports IPL 2024: హార్దిక్ పాండ్యా చెత్త కెప్టెన్సీనే ముంబై ఇండియన్స్ కొంపముంచింది: క్రీడా మంత్రి
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
బేబీ షామిలి మళ్లీ హల్చల్.. నాగశౌర్యతో కలిసి జోష్గా..
Recommended Video
చలో సినిమా సక్సెస్ జోష్తో హీరో నాగశౌర్య దూసుకెళ్తున్నాడు. ఒకప్పుడు బాలతారగా ప్రేక్షకుల గుండెల్లో స్థానం సంపాదించుకొన్న బేబి షామిలితో తాజాగా అమ్మమ్మగారిల్లు సినిమా కోసం జతకట్టాడు. శ్రీమతి స్వప్న సమర్పణలో స్వాజిత్ మూవీస్ బ్యానర్లో కె.ఆర్ మరియు రాజేష్ సంయుక్తంగా నిర్మిస్తోన్న చిత్రం అమ్మమ్మగారిల్లు. సుందర్ సూర్య దర్శకత్వం వహిస్తున్నారు. ఈ చిత్రం షూటింగ్ పూర్తిచేసుకుని పోస్ట్ ప్రొడక్షన్ పనులు శరవేగంగా జరుపుకుంటోంది. కాగా ప్రేమికుల దినోత్సవం సందర్భంగా ఈ సినిమా ఫస్ట్ లుక్ను విడుదల చేశారు.
పండగ వాతావరణం
హీరో నాగశౌర్య మాట్లాడుతూ తొలిసారి చక్కని కుటుంబ కథా చిత్రంలో నటిస్తున్నారు. షూటింగ్ సమయంలో సెట్లో పండగ వాతావారణం నెలకొన్నది. కుటుంబంలో అనుబంధాలు, ఆప్యాయతలు, అనురాగాలు ఈ చిత్రంలో చూడవచ్చు. కుటుంబంలో ఉండే మనస్పర్ధలు, ఆవేదన తదితర అంశాలను దర్శకుడు చక్కగా తెరకెక్కించాడు అని అన్నాడు.
కథను నమ్మి చేశాం
అమ్మమ్మగారిల్లు చిత్రానికి కథే బలం. కథను నమ్మి సినిమా చేశాం. నిర్మాణ విలువలు ఎక్కడా తగ్గకుండా ఉంటాయి. క్వాలిటీగా సినిమా చేసిన నిర్మాతలకు కృతజ్ఞతలు. ఫ్యామిలీ ఆడియన్స్ కి ఈ సినిమాతో నేను మరింత దగ్గరవుతాను అని నాగశౌర్య తెలిపాడు.
కథ నచ్చకనే చేయలేదు
హీరోయిన్ షామిలి మాట్లాడుతూ, ఓయ్ సినిమా తర్వాత సరైన కథ కుదరకపోవడంతోనే మరో సినిమా చేయలేదు. చాలా కాలం తర్వాత మళ్లీ అమ్మమ్మగారిల్లు కథ నచ్చడంతో సినిమాకు వెంటనే ఒప్పుకున్నాను. నా క్యారెక్టరైజేషన్ చాలా కొత్తగా ఉంటుంది. నాగశౌర్యతో సినిమా చేయడం సంతోషంగా ఉంది. అలాగే ఇంత మంచి అవకాశం ఇచ్చిన దర్శక, నిర్మాతలకు కృతజ్ఞతలు అని అన్నారు.
కాన్సెప్ట్ను ఆధారంగా
దర్శకుడు సుందర్ సూర్య మాట్లాడుతూ.. రిలేషన్ నెవెర్ ఎండ్ అనే కాన్సెప్ట్ను ఆధారంగా చేసుకుని రాసిన కథ ఇది. దర్శకుడిగా నాకిది తొలి సినిమా. తెరపై సినిమా చూస్తున్నంత సేపు ఆడియన్స్ కు థియేటర్ లో ఉన్నామన్నా ఫీలింగ్ కాకుండా పండగ వాతావరణంలో తమ కుటుంబంతో గడుపుతున్న అనుభూతి కలుగుతుంది అని చెప్పారు.
నాగశౌర్య అద్భుతంగా
నాగశౌర్య అద్భుతంగా నటించాడు. ఎమోషన్ సన్నివేశాల్లో ఒదిగిపోయాడు. మిగతా నటీనటులంతా కూడా తమ పాత్రల ఫరిది మేర అద్భుతంగా నటించారు. ఇంత మంచి సినిమా చేసే అవకాశం ఇచ్చి నిర్మాతలు రాజేష్, ఆర్కె గారికి కృతజ్ఞతలు అని దర్శకుడు సుందర్ సూర్య అన్నారు.
హృదయానికి హత్తుకునేలా
చిత్ర నిర్మాతలు మాట్లాడుతూ.. సినిమా బాగా వచ్చింది. దర్శకుడు ప్రతీ సన్నివేశాన్ని హృదయానికి హత్తుకునేలా తెరకెక్కించారు. అలాగే నాగశౌర్య నటన సినిమాకు హైలైట్ గా ఉంటుంది. నటనపై ఆయన కమిట్ మెంట్..డెడికేషన్ చాలా బాగున్నాయి. భవిష్యత్ లో పెద్ద స్టార్ అవుతాడు. మేము సినిమా నిర్మించి ఎంత అనుభూతి పొందామో....సినిమా చూసిన తర్వాత అంతే అనుభూతి ప్రేక్షకులు పొందుతారు అని అన్నారు.