హాట్‌హాట్‌గా పవన్ హీరోయిన్ సెల్ఫీ.. ముసలి.. వయసు అయిపోయింది అని కామెంట్లు

బద్రీతో మంచి మార్కులు

బద్రీ చిత్రంతో అమీషా పటేల్ అటు గ్లామర్ హీరోయిన్‌గానే కాకుండా యాక్టింగ్ పరంగా మంచి మార్కులు కొట్టేసింది. తెలుగులో మంచి భవిష్యత్ ఉందని అందరూ అనుకుంటుండగానే కహో నా ప్యార్ హై చిత్రం బ్లాక్ బస్టర్‌గా కావడంతో టాలీవుడ్‌ను వదిలేసి బాలీవుడ్‌కు పరుగుపెట్టింది. ఆ తర్వాత గదర్ ఏక్ ప్రేమ్ కహానీ సంచలన విజయం సాధించింది.

వరుసగా ఫ్లాపులు

అయితే గదర్ చిత్రం తర్వాత ఆమె నటించిన చిత్రాలు వరుసగా బాక్సాఫీస్ వద్ద పరాజయం పొందాంయి. దాంతో ఆమెకు అవకాశాలు సన్నగిల్లాయి. అందం, అభినయం పుష్కలంగా ఉన్న అమీషా కెరీర్ గాడిన పడకపోవడంపై బాలీవుడ్ వర్గాలు ఆశ్చర్యం వ్యక్తం చేశాయి.

నిర్మాతగా అమీషా పటేల్

సినిమా అవకాశాలు సన్నగిల్లడంతో స్వయంగా అమీషా నిర్మాతగా మారింది. దేశీ మ్యాజిక్ అనే చిత్రాన్ని నిర్మించింది. అయితే ఆమెను దురదృష్టం వెంటాడటంతో ఆ చిత్రం విడుదలకు నోచుకోలేదు. దాంతో ఆర్థికంగా కూడా కష్టాల్లో పడింది.

హాట్‌హాట్‌గా ఇన్స్‌టాగ్రామ్‌లో సెల్ఫీలు

ఇవన్నీ నాణేనికి ఒకవైపు అయితే.. తాజాగా హాట్ హాట్‌గా సెల్ఫీలు దిగి సోషల్ మీడియా అకౌంట్ ఇన్స్‌టాగ్రామ్‌లో పోస్ట్ చేసింది. ఆ ఫోటోను చూసిన అభిమానులు, నెటిజన్లు రచ్చ రచ్చ చేశారు. నీ సెల్ఫీ చూస్తే నీకు వయసు అయిపోయింది అని ఓ వ్యక్తి కామెంట్ పెట్టాడు.

ముసలిదానివి అయిపోయావు

ఇంకా ‘నీకు ఇలాంటి వేషాలు సరిపడవు', అయ్యో ముసలిదానివి అయిపోయావు. ఇలా ఉన్నా నీకు సినిమా అవకాశాలు వస్తున్నాయా? వయసుకు తగిన అందం ఉంది కానీ.. అవకాశాలు లేకపోవడంతో ఆమెలో ఆందోళన కనబడుతున్నది. అందుకు సాక్ష్యమే ఆమె దిగిన సెల్ఫీ అని పలువురు నెటిజన్లు దారుణమైన కామెంట్లు చేశారు.