బోయపాటికి మరో ఛాన్స్ లేదు... అప్పటి వరకు వెయిటింగే!

హిట్టు కొట్టి తీరాలి

తనకు సింహా, లెజెండ్ లాంటి భారీ విజయాలు అందించిన బోయపాటికి మరో ఛాన్స్ ఇచ్చారు బాలయ్య. అన్ని వైపులా దారులు మూసుకుపోయిన వేళ బాలయ్యతో వచ్చిన అవకాశాన్ని సద్వినియోగం చేసుకోవాలని, పెద్ద హిట్టు కొట్టి మళ్లీ తన పేరు నిలబెట్టుకోవాలని బోయపాటి కసిగా వెయిట్ చేస్తున్నారు.

బోయపాటి ఈ నెల్లోనే ప్లాన్ చేశాడు కానీ..

స్క్రిప్టు సిద్ధం చేసుకుని ప్రీ ప్రొడక్షన్ పనులు కూడా మొదలు పెట్టారు బోయపాటి. మార్చి నుంచే రెగ్యులర్ షూట్ ప్రారంభించాలని ప్లాన్ చేశారు. అయితే ఆంధ్రప్రదేశ్ ఎన్నికల కారణంగా ఈ చిత్రం ఇప్పుడు మొదలయ్యే పరిస్థితి లేదని తెలుస్తోంది.

అప్పటి వరకు వెయింటింగ్ తప్పదు

ఏప్రిల్ లేదా మేలో ఎన్నికలు జరుగుతాయి కాబట్టి బాలయ్య తెలుగు దేశం పార్టీ తరుపున ప్రచార కార్యక్రమాల్లో బిజీ కాబోతున్నారు. ఈ సమయంలో షూటింగ్ పెట్టుకుంటే ఇబ్బందులు తప్పవు. అందుకే జూన్ వరకు వెయిట్ చేయాలని బాలయ్య సూచించినట్లు తెలుస్తోంది.

ఇద్దరికీ హిట్టు అవసరమే..

ఎన్టీఆర్ బయోపిక్ రెండు భాగాలు బాక్సాఫీసు వద్ద బోల్తాపడిన నేపథ్యంలో ఇటు బాలయ్యకు కూడా హిట్టు పడాల్సిన అవసరం ఏర్పడింది. సింహా, లెజెండ్ లాంటి బ్లాక్ బస్టర్ విజయాలు అందించిన ఈ కాంబినేషన్ మరోసారి సక్సెస్ అవుతుందనే నమ్మకం అభిమానుల్లో ఉంది.