బాలయ్యని బాబు నిలదీసారా?

By Staff

Published: Friday, January 2, 2009, 10:38 [IST]

రాజమండ్రిలో ఆరురోజులపాటు షూటింగ్‌లో పాల్గొని వచ్చిన బాలకృష్ణ.. గురువారం బాబును ఆయన నివాసంలో కలిశారు. అరగంటపాటు చర్చించుకున్నారు. అప్పుడు రకరకాల టాపిక్స్ వారిద్దరు మధ్యా నడిచినట్లు తెలుస్తోంది. ముఖ్యంగా 'ప్రజలు కోరుకుంటే ముఖ్యమంత్రినవుతా' అని బాలకృష్ణ రాజమండ్రిలో చేసిన ప్రకటన వివాదాస్పదం కావడం, చంద్రబాబు ఫోన్లో మాట్లాడాక ఆయన సర్దుకుని బాబే సీఎం అవుతారని మళ్లీ ప్రకటన చేయడం గురించి చాలా సేపు చర్చ జరిగందని భోగట్టా.

అలాగే సినిమా గ్లామర్‌కు ఓట్లు పడవని రంగారెడ్డి జిల్లాలో చైతన్య యాత్రల్లో బాబు చేసిన వ్యాఖ్యలు కూడా బాలయ్య చర్చకు వచ్చినట్లు తెలిస్తోంది. అయితే ఉభయులు వీటన్నిటినీ సవరించుకుని ఎన్నికలకు పార్టీ శ్రేణులను సమాయత్తం చేసేందుకు ఏం చేయాలనే విషయం గురించి ఉభయులూ మాట్లాడుకున్నట్లు సమాచారం. అయితే నూతన సంవత్సర శుభాకాంక్షలు చెప్పేందుకే బాలయ్య బాబు వద్దకు వచ్చారని తెదేపా వర్గాలు చెబుతున్నాయి. ప్రస్తుతం బాలకృష్ణ,ప్రియమణి కాంబినేషన్ లో రాజమౌళి శిష్యుడు మహదేవన్ సినిమా రూపొందిస్తున్నారు. ఇక బాలయ్య సినిమా వాడు కావటంతో సినీ వర్గాల్లో ఈ టాపిక్ హాట్ గా మారింది.

More from Filmibeat