పెళ్ళి తంతు :పెళ్లి కొడుకుతో మోక్షజ్ఞ(ఫోటోలు)

By Srikanya

Updated: Wednesday, August 21, 2013, 10:30 [IST]

హైదరాబాద్‌: సినీనటుడు నందమూరి బాలకృష్ణ రెండో కుమార్తె తేజస్విని, భరత్‌ల వివాహం హైదరాబాద్‌లోని హైటెక్స్‌ ప్రాంగణంలో వైభవంగా జరిగింది. సినీ, రాజకీయ ప్రముఖులతో పాటు నందమూరి అభిమానుల రాకతో సందడి నెలకొంది. భారీ వివాహ వేదికపై వివాహం కన్నులపండుగగా జరిగింది.

వివాహ వేడుకకు తెలుగుదేశం పార్టీ అధినేత నారా చంద్రబాబు నాయుడు, రామోజీరావు, కేంద్ర మంత్రులు కావూరి సాంబశివరావు, పురందేశ్వరి, చిరంజీవి, ఎంపీలు నామా నాగేశ్వరరావు, మాగుంట శ్రీనివాసుల రెడ్డి, కనుమూరి బాపిరాజు, భాజపా నేత బండారు దత్తాత్రేయ, సినీనటులు మోహన్‌బాబు, మురళీమోహన్‌, పరుచూరి బ్రదర్స్‌, జయసుధ, రాఘవేంద్రరావు, రామానాయుడు తదితరులు హాజరయ్యారు.

పెళ్లి కార్యక్రమాన్ని అన్ని వార్తా చానళ్లు, ఎంటర్‌టైన్‌మెంట్ చానళ్లలో ప్రసారమయ్యే వీలుగా ఉదయం నుంచి పెళ్లి మండపంలోని కార్యక్రమాలను ఎప్పటికప్పుడు రికార్డు చేసి ప్రత్యక్ష ప్రసారంగా ఆయా చానళ్ల ప్రతినిధులకు అందజేస్తున్నారు. ఈ సందర్భంగా ధట్స్ తెలుగు వధూ వరులకు వివాహ శుభాకాంక్షలు తెలియచేస్తోంది.

ఫోటోలు...స్లైడ్ షోలో...

మల్లెపూల శాలువా...

పెళ్లికొడుకుకి బాలకృష్ణ ..మల్లెపూల శాలువా కప్పి సత్కరిస్తున్నారు. ఈ ముచ్చట చూసేవారందిరిలో ఆనందం నింపింది.

కావూరి,బాలయ్య...

పెళ్లి కొడుకుతో తాత కావూరి సాంబశివరావు, ఎదురుగా పిల్లనిచ్చిన మామ..బాలకృష్ణ, ప్రక్కన బావ మరిది (బాలకృష్ణ తనయుడు) ఉన్నారు.

కొబ్బరి బొండాంతో..

అచ్చ తెలుగు సంప్రదాయంగా జరుగుతున్న ఈ వివాహ వేడుకలో పెళ్లి కొడుకు ఇలా ...కొబ్బరిబొండాంతో వివాహ వేదిక దగ్గరకు వచ్చారు.

ఆత్మీయంగా...

బాలకృష్ణ వివాహానికి హాజరైన మగపెళ్లి వారిని ఆత్మీయంగా ఆహ్వానిస్తూ, వివాహాన్ని ఘనంగా జరిపించారు.

ముచ్చట్లు...

పెళ్లికొడుకు ఈ వివాహ వేడుకలలో తన స్నేహితులతో బంధువులతో ఇలా ఉత్సాహంగా ముచ్చటిస్తూ...కనపడ్డారు.

కాళ్లు కడగటం...

బావ మరిది...మోక్షజ్ఞ ఇలా తన బావ కాళ్లు కడిగి..తన సోదరిని వివాహం చేసుకోమని అడిగే...సంప్రదాయం...లో ..

ఉత్సాహం...

ఈ వేడక తెలుగు సంప్రదాయం ప్రతిబింబించేలా పెళ్లిని నిర్వహించేందుకు బాలకృష్ణ కుటుంబం ఏర్పాట్లు చేసింది. మొదటి నుంచి బాలకృష్ణ సంప్రదాయానికి పెద్ద పీట వేసే వ్యక్తి. తన తండ్రి బాటలోనే తెలుగుదనం ఉట్టిపడిలా ఆయన జాగ్రత్తలు తీసుకున్నారు.