బాలకృష్ణను గూగుల్ తల్లి చంపేసింది.. దారుణంగా డేత్ డేట్.. తప్పు ఎలా జరిగిందంటే..

బాలయ్య చనిపోయినట్టు

గూగుల్‌లో బాలకృష్ణ పేరుతో ఉన్న వికీపీడియా పేజ్‌ను చూడగా.. అన్ని వివరాలు చాలా పక్కగా రాశారు. కానీ బతికి ఉండగానే బాలయ్య బాబు చనిపోయినట్టు చూపించడం అభిమానులకు మింగుడు పడటం లేదు.

1995లోనే మరణించినట్టు

బాలకృష్ణ గురించి అన్ని వ్యక్తిగత వివరాలు బాగానే పొందుపరిచారు. నవంబర్ 2, 1913లో జన్మించినట్టు రాశారు. దానికిందనే 1995లో జూలై 19న బెంగళూరులో మరణించినట్టు వెల్లడించారు. ఇది గ్రహించిన అభిమానులు తప్పును సోషల్ మీడియాలో షేర్ చేస్తున్నారు.

వైరల్‌గా బాలయ్య డెత్ డేట్

బాలకృష్ణ మరణ తేదీ సోషల్ మీడియాలో వైరల్‌గా మారింది. వాట్సప్ గ్రూపుల్లో, ఇతర సోషల్ మీడియా మాధ్యమాల్లో హల్‌చల్ చేసింది. తీరా ఆరా తీయగా కన్నడ నటుడు టీఎన్ బాలకృష్ణ వివరాలను నందమూరి బాలకృష్ణకు జతచేయడంతో భారీ తప్పిదం దొర్లింది.

బాలకృష్ణ ఫ్యాన్స్ ఆగ్రహం

బతికి ఉండగానే బాలకృష్ణ మరణించినట్టు చూపిస్తున్న వివరాలపై బాలయ్య ఫ్యాన్స్ ఆగ్రహం వ్యక్తం చేస్తున్నారు. గూగుల్ భాద్యతారాహిత్యానికి ఇది నిదర్శనమని ఆగ్రహం వ్యక్తం చేస్తున్నారు. గతంలో పవన్ కల్యాణ్ పేరును కౌశల్ బాబు అని, రాశీఖన్నాకు పెళ్లైనట్టు చూపించిన దాఖలాలు ఉన్నాయి.