విమర్శలకు ధీటుగా బాలయ్య జవాబు.. కేటీఆర్ కలిసిన నటసింహం

కఠిన పరీక్షా సమయాల్లో

కరోనా పెట్టిన కఠిన పరీక్ష సమయంలో తెలుగు రాష్ట్రాల ప్రజలకు నందమూరి బాలకృష్ణ అండగా నిలిచారు. తెలుగు రాష్ట్రాలకు మొతంగా రూ.1 కోటి 25 లక్షల రూపాయలను విరాళం ప్రకటించి తనపై వస్తున్న విమర్శలకు చెక్ చెప్పారు. కష్టాలు ఎదురైన సమయంలో తాను ఎప్పుడూ ప్రజల మనిషినేని స్పష్టం చేశారు.

Recommended Video

Nandamuri Balakrishna Requests Public To Stay At Home

కేటీఆర్‌ను కలిసిన బాలయ్య

కరోనాపై పోరాటం చేయడానికి తెలంగాణ ప్రభుత్వానికి అండగా నిలిచిన బాలకృష్ణ శుక్రవారం మంత్రి కేటీఆర్‌ను కలుసుకొన్నారు. తెలంగాణ సీఎం రిలీఫ్ ఫండ్‌ కోసం రూ.25 లక్షల సహాయాన్ని ఆయనకు చెక్కు రూపంలో స్వయంగా అందించారు. ఇక తెలుగు సినీ పరిశ్రమలోని వేతన కార్మికులకు అండగా ఉండగానికి ఇప్పటికే రూ.25 లక్షల చెక్‌ను నిర్మాత సీ కల్యాణ్‌కు అందజేయడం తెలిసిందే.

ఏపీ ప్రభుత్వానికి రూ.50 లక్షలు

ఇక ఆంధ్ర ప్రదేశ్ ప్రజలకు కూడా బాలకృష్ణ ఆర్థిక సహాయం అందించారు. ఏపీ ప్రభుత్వానికి రూ.50 లక్షల విరాళాన్ని అందించనున్నారు. త్వరలోనే సీఎం వైఎస్ జగన్మోహన్ రెడ్డికి చెక్‌ను అందిస్తారని ఆయన సన్నిహిత వర్గాలు వెల్లడించాయి.

బాలయ్య చిన్నల్లుడు విరాళం

కోవిడ్‌-19 వ్యాప్తి నిరోధం కోసం నందమూరి బాలకృష్ణ చిన్నల్లుడు, గీతమ్ విద్యా సంస్థల చైర్మన్ ఎమ్ శ్రీ భరత్ 1 కోటి రూపాయల విరాళాన్ని ప్రకటించారు. కరోనా వ్యాప్తి నిరోధానికి ఆంధ్ర‌ప్ర‌దేశ్ ముఖ్య‌మంత్రి స‌హాయనిధికి రూ. 50 ల‌క్ష‌లు, తెలంగాణ ముఖ్య‌మంత్రి స‌హాయ‌నిధికి రూ. 25 ల‌క్ష‌లు, కర్ణాటక ముఖ్య‌మంత్రి స‌హాయ‌నిధికి రూ. 25 ల‌క్ష‌లు అంద‌జేస్తున్న‌ట్లు తెలిపారు