వీడు నన్నే ఏడిపించాడు... : జై సింహ ప్రీ రిలీజ్ వేడుకలో బాలయ్య స్పీచ్

By Bojja Kumar

Updated: Tuesday, January 9, 2018, 0:33 [IST]

‘జై సింహ’ చాలా స్పెషల్

దర్శకుడు కెఎస్ రవికుమార్ గారితో సినిమా చేద్దామని ఎనిమిదేళ్లుగా అనుకుంటున్నాను. ఈ టైటిల్‌తో ఆయనతో సినిమా కుదరడం మరింత ఆనందంగా ఉంది. ఇది మామూలు టైటిల్ కాదు. నాన్నగారు నిర్మాతగా విజయం అందుకున్న మొదటి చిత్రం టైటిల్ ఇదని బాలయ్య తెలిపారు.

నా సినిమాలు లార్జర్ దెన్ లైఫ్

ఈ చిత్రానికి సంగీత దర్శకుడు చిరంతన్ భట్ అంద్భుతమైన సంగీతం అందించారు. భాస్కర భట్ల, రామ జోగయ్య శాస్త్రి, శ్రీమణి మంచి సాహిత్యం అందించారు. కెమెరా మెన్ ప్రసాద్ పని తీరు సూపర్. రామ్ లక్ష్మణ్ గురించి ప్రత్యేకంగా చెప్పాల్సిన పని లేదు... అని బాలయ్య అన్నారు.

నేనెప్పుడూ కుర్రాడినే

తానెప్పుడూ కుర్రాడినేనని.. వయసుతో పనిలేదని ఈ సందర్భంగా బాలకృష్ణ వెల్లడించారు. ‘జై సింహా' చిత్రం కుటుంబ సమేతంగా చూడదగిన సినిమా అని, ఈ సినిమా చాలా అద్బుతంగా వచ్చిందని, అందరూ హ్యాపీగా ఈ సినిమా చూడాలని అన్నారు.

వీడు నన్నే ఏడిపించాడు

సినిమాలో నాతో పాటు నటించిన ఈ చిన్నారి నన్నే ఏడిపించాడు. షూటింగులో ఈ చిన్నారికి నాతో కొన్ని సీన్లు ఉన్నాయి. లొకేషన్లో నన్ను చూస్తే ఏడ్చేవాడు. నరిసింహ నాయుడు నుండి కూడా నాకు ఇలానే అయ్యేది. ఫస్ట్ షాట్ పిల్లలతో పెడతారు. అపుడు నేను రక్తంతో ఉంటాను. ఏ పిల్లాడైనా అలా చూస్తే భయపడతారు. పిల్లలను ఎత్తుకుని గాల్లో ఎగురుతుంటే వారు భయపడతారు. అప్పటి దాకా బాగానే ఉంటారు. కానీ నన్ను చూడగానే ఏడుస్తారు. నేనేదో సినిమాలో విలన్ అయినట్లు.... నేను హీరో అనే విషయం పాపం వారికి తెలియదు కదా అంటూ బాలయ్య చమత్కరించారు.

ప్రేమను అందరికీ పంచండి

ప్రేమను అందరికీ పంచిపెట్టాలనేది ఈ సినిమాలో కథకి మూలం. అందరూ కూడా కలిసి మెలిసి ఉండండి. హ్యాపీగా సినిమా చూడండి. చూసి ఏదైతే ఉద్దేశ్యంతో ఈ సినిమా చేశామో దాని ప్రతి పలం అందరూ అందుకోవాలని ఆశిస్తున్నాను.... అని బాలయ్య తెలిపారు.

బాలయ్య గురించి అలా చెప్పగానే భయమేసింది: కెఎస్ రవికుమార్

‘నేను ఈ సినిమాకు కమిటైన కొత్తల్లో తమిళంలో చాలా మంది నన్ను అడిగారు. బాలయ్యతో ఎలా ఒప్పుకున్నారు, ఆయనకు చాలా కోపం ఉంటుంది అన్నారు. కొందరు అలా చెప్పగానే నాకు కూడా మొదట్లో కొంత భయం వేసింది. కానీ షూటింగులో నాకు ఆయనలో ఎప్పుడూ కోపం కనిపించలేదు. షూటింగ్ స్పాట్లో నాకే ఎక్కువ కోపం వస్తుంది. అలా చూస్తే బాలయ్య గారిలో అందులో 5 శాతం కూడా కోపం ఉన్నట్లు కనిపించలేదు'.... అని దర్శకుడు కెస్ రవికుమార్ తెలిపారు.

అక్కడ అజిత్, ఇక్కడ బాలయ్య

నేను ఇప్పటి వరకు 47 సినిమాలు చేశాను. ప్రతి హీరో సినిమా కథలో కల్పించుకుంటాడు. అది మార్చాలని, ఇది మార్చాలని, నాకు ఈ బాడీ లాంగ్వేజ్ రాదు అని, ఇది ఇలా మారిస్తే బావుటుంది అని చెప్పారు. కానీ నా కెరీర్లో కథలో వేలు పెట్టని హీరోలు ఇద్దరే. అది తమిళంలో అజిత్, తెలుగులో బాలయ్యగారు మాత్రమే అని కెఎస్ రవికుమార్ తెలిపారు.

బాలయ్య కోపం వస్తుంది

బాలయ్యకు కోపం వస్తుంది. అది ఎప్పుడంటే ఆయన అసిస్టెంట్లు ఆయన్ను ఇరిటేట్ చేసినపుడు. వర్క్ బాగా చేస్తే ఆయన ఎలాంటి కోపం రాదు. ఇది నేను షూటింగ్ స్పాట్లలో గమనించాను అని కెఎస్ రవికుమార్ తెలిపారు.

తండ్రి మీద చాలా లవ్

తండ్రి మీద ఇంత ప్రేమ పెట్టుకున్న కొడుకును నేను బాలయ్యను తప్ప మరెవరినీ చూడలేదు. షాట్ ఫినిష్ అయిన తర్వాత ల్యాప్ టాప్ ముందు కూర్చుంటారు. అందులో ఎన్టీఆర్ ఫోటోనే ఉంటుంది. వింటే నాన్న గారి ఓల్డ్ సాంగ్స్ వింటారు. ఆయన భార్య, పిల్లల కంటే తండ్రినే ఎక్కువ ప్రేమిస్తారని నాకు అర్థమైంది.... అని కెఎస్ రవికుమార్ తెలిపారు.

అదే బాలయ్య సక్సెస్

బాలయ్యకు చాలా మంది అలవాట్లు ఉన్నాయి. సమాయానికి సెట్స్ కు వస్తారు, అందరితో చాలా నిజాయితీగా ఉంటారు. చాలా డెడికేటెడ్ గా పని చేస్తారు. ఆయన సక్సెస్ అవ్వడానికి ఇవన్నీ కారణాలే. వాటి వల్లే ఆయన ఈ రోజు ఈ స్థాయిలో ఉన్నారు... అని కెఎస్ రవికుమార్ తెలిపారు.