బాలయ్య అభిమానుల రచ్చ రంబోలా (ఫోటోలు)

By Bojja Kumar

Published: Friday, March 28, 2014, 14:40 [IST]

హైదరాబాద్: లెజెండ్ సినిమా విడుదల సందర్భంగా బాలయ్య అభిమానులు బైక్ ర్యాలీ నిర్వహించి హైదరాబాద్‌లో రచ్చరంబోలా సృష్టించారు. బాలయ్య ఫోటోతో కూడిన లెజెండ్ జెండాలను ఎగుర వేస్తూ జై బాలయ్య జైజై బాలయ్య అంటూ సందడిచేసారు. లెజెండ్ సినిమాలో బాలయ్య గెటప్ మాదిరి జీన్స్, వైట్ షర్టు, మెడలో రుద్రాక్ష మాల, మెడపై టాటూలు వేసుకుని అభిమానులు సందడి చేసారు.

హైదరాబాద్‌లోని వివిధ ప్రాంతాల గుండా సాగిన బాలయ్య అభిమానుల ర్యాలీ కూకట్ పల్లిలోని బ్రమరాంభ థియేటర్ వరకు సాగింది. థియేటర్ వద్ద అభిమానులు డాన్సులు చేస్తూ, బాణాసంచా కాలుస్తూ సందడి చేసారు. ఈ సందర్బంగా అభిమానులు బాలయ్యను పొగడ్తలతో ముంచెత్తారు.

బాలయ్య కేవలం సినిమా హీరో మాత్రమే కాదని, నిజ జీవితంలోనూ ఆయన హీరోనే అని వ్యాఖ్యానించారు. బాలయ్య చేస్తున్న సేవా కార్యక్రమాలను ఈ సందర్భంగా అభిమానులు ప్రస్తావించారు.

అభిమానుల బైక్ ర్యాలీకి సంబంధించిన ఫోటోలు స్లైడ్ షోలో....