హోమ్

న్యూస్

బాలకృష్ణగారితో సినిమా తీయటం చాలా ఆనందంగా ఉంది. ఆయన రియల్ లైఫ్ జరిగిన జరిగిన విషయాలను ఈ సినిమాలో వాడుతున్నాను అని దర్శకుడు రవి చావలి చెప్పారు. అలాగే ఆయన ఇమేజ్ కు స్టార్ డమ్ కు ఎక్కడా తగ్గకుండా ఈ చిత్రాన్ని చేయబోతున్నాడు. స్టైలిష్ గానూ,పవర్ ఫుల్ గానూ బాలయ్య ఈచిత్రంలో కనిపిస్తారు అన్నారు. బాలకృష్ణ,రవిచావలి కాంబినేషన్ లో రూపొందనున్న కొత్త చిత్రం ఈ రోజు(సోమవారం) ముహూర్తం జరిగింది. ఈ సందర్భంగా దర్సకుడు ఇలా స్పందించారు.

ఆర్.ఆర్.మూవీ మేకర్స్ సమర్పణలో ఎల్లో ప్లవర్స్ ప్రొడక్షన్ నెంబర్ 2 ప్రారంభం అన్నపూర్ణ స్టూడియోస్ లో జరిగింది. బాలకృష్ణ సరసన పార్వతీ మిల్టన్, ఇషాచావ్లా నటిస్తున్నారు.రమేష్ పుప్పాల నిర్మిస్తున్న ఈ చిత్రానికి రవిచావలి దర్శకుడు. ఈ సందర్భంగా బాలకృష్ణ మాట్లాడుతూ...దర్సకుడు రవి ఈ కథ చెప్పగానే ఆకట్టుకుంది. సంభాషణలుకూడా ఘటికాచలం గారు అధ్బుతంగా ఇచ్చారు. నా సినిమాలో ఏమేమి ఉంటాయో..అవన్నీ ఈ సినిమాలో ఉంటాయి అన్నారు. సంగీత దర్శకుడు చక్రి ..సింహా తర్వాత మరో సారి బాలకృష్ణ సినిమాకు పనిచేస్తున్నందుకు...తన ఆనందాన్ని వ్యక్తం చేసారు.