డైలమాలో బాలయ్య?

By Staff

Published: Wednesday, June 3, 2009, 12:30 [IST]

బాలకృష్ణకి ఆయన బావ చంద్రబాబు తెలుగుదేశం పార్టీలో ఓ ప్రత్యేకమైన పదవి ఇస్తారనే ప్రచారం జరుగుతున్న సంగతి తెలిసిందే. అయితే సినిమాలపై ఆసక్తి ఉన్న బాలయ్య రాజకీయాలకు ఎక్కువ సమయం కేటాయించటానికి ఆసక్తి చూపటం లేదని సమాచారం. తనకు కంటిన్యూగా సినిమాలు చేయటం ఇష్టమని బాబు కి ఇప్పటికే చెప్పారని తెలుస్తోంది. అయితే ఆయన బాలయ్య తప్పనిసరిగా పార్టీ అభివృధ్ది కి పాటు పడాల్సి ఉందని లోకేష్ భవిష్యత్ సైతం పార్టీ విజయంపైనే ఆధారపడి నచ్చచెప్పినట్లు అనుకుంటున్నారు.

అయితే ఇప్పటికే బోయపాటి సినిమాకు, బెల్లంకొండ సినిమాలకు గ్రీన్ సిగ్నల్ ఇచ్చానని అవి పూర్తయ్యే సరికే చాలా సమయం పడుతుందని బాలకృష్ణ చెప్పారుట. అంతేగాక మిత్రుడు సైతం భాక్సాఫీస్ వద్ద చతికిలపడటంతో తాను హిట్ ఇవ్వాల్సిన అవసరం ఉందని శ్రేయాభిలాషులు సైతం అభిప్రాయపడుతున్నారు. కానీ బాలయ్య తమ పార్టీ మీటింగ్ లకు అటెండవుతూంటే మళ్ళీ తెలుగుదేశం పుంజుకుంటుందని, పెద్ద ఎన్టీఆర్ అబిమానులు పార్టీ వెన్నంటే ఉంటారని చంద్రబాబుకు పార్టీ సభ్యులు చెప్తున్నారు. ఈ స్ధితిలో బాలయ్య చాలా సందిగ్ధంలో ఉన్నారని చెప్పుతున్నారు.

More from Filmibeat