బాలయ్య కష్టపడ్డ వేళ

'మిత్రుడు'చిత్రంలో కొన్ని సన్నివేశాల్లో మౌనంగా నటించాల్సి వచ్చింది. అప్పుడర్థమైంది అందులో ఉన్న కష్టం ఏమిటో..ఇందకు ముందు భారీ డైలాగులు చెబుతూ యాక్షన్‌ సన్నివేశాల్లో నటించడమే కష్టమని అనిపించేది.'అన్నారు హీరో బాలకృష్ణ. మిత్రుడు సక్సెస్ మీట్ లో ఆయన మాట్లాడుతూ సాహసోపేతమైన నిర్ణయాలు తీసుకోవడం నాకు అలవాటు. ఈ సినిమాలో అగ్నిపర్వతం బద్దలయ్యే విషయాన్ని మనసులో ఉంచుకుని మౌనంగా కనిపించే సన్నివేశాలు నన్ను బాగా ఆకట్టుకున్నాయి. వేసవిలో సకుటుంబంతో చూడదగ్గ సినిమా. వైష్ణవి సినిమా సంస్థ నా మాతృ సంస్థ లాంటిది. శివలెంక కృష్ణప్రసాద్‌ నిర్మించిన నాలుగు సినిమాల్లో నేను నటించాను. నాలుగూ వైవిధ్యభరితమైనవే. దర్శకుడు మహదేవ్‌ నా దగ్గరకొచ్చి పొగడ్తలు లేకుండా నేరుగా కథ చెప్పిన తీరు ఆకట్టుకుందన్నారు.

అలాగే దర్శకుడు మహదేవ్ మాట్లాడుతూ..కేవలం ఇరవై మూడు నిమిషాలపాటు నేను చెప్పిన కథ విని నమ్మకంతో నాకు తొలి అవకాశాన్నిచ్చిన బాలకృష్ణకు కృతజ్ఞతలు. సినిమాకు పనిచేసిన ప్రతి ఒక్కరూ నాకు సహకరించారు. సినిమా కుటుంబ ప్రేక్షకులను ఆకట్టుకుంటోందని చెప్పారు. నిర్మాత మాట్లాడుతూ బాలయ్య కథానాయకుడిగా మంచి ఊపుతో ఉన్న సమయంలోనూ మా సంస్థలో చేశారు. ఆయనతో చేసిన అన్ని సినిమాలూ ప్రేక్షకాదరణ పొందడం ఆనందంగా ఉందని అన్నారు. ఈ కార్యక్రమంలో ప్రియమణి, బాలయ్య, దీపక్‌, చంద్రమోహన్‌ తదితరులు పాల్గొన్నారు.