రిస్క్‌తో గేమ్స్ ఆడుతున్న బాలయ్య!

News

oi-Santhosh

By Bojja Kumar

| Published: Thursday, October 13, 2011, 15:57 [IST]

టాలీవుడ్ అగ్రహీరోల్లో ఒకరైన నందమూరి బాలకృష్ణ ప్రమాదంతో గేమ్స్ ఆడుతున్నారా? అంటే అవును అనే సమాధానం వినిపిస్తోంది ఫిల్మ్ నగర్ జనాల నుంచి. ప్రమాదం అంటే అదేదో అనుకోకండి. తన సినీ కెరియర్ కు ప్రమాద కారిగా సంభవించే పోకడలకు పోతున్నాడని వారి అభిప్రాయమట. బాలయ్య వీలైతే భారీ హిట్టు లేక పోతే పరమ ప్లాపు అనే ఉద్దేశ్యంతో ముందుకు సాగుతున్నాడని అంతా అనుకుంటున్నారు. ఆ మధ్య బోయపాటి శ్రీను దర్శకత్వంలో సింహా సినిమా చేసిన బాలయ్య భారీ హిట్ సాధించి తన రేంజ్ ఏమిటో మరోసారి చాటాడు. బోయపాటి ఈ తరానికి చెందిన దర్శకుడు కావడంతో బాలయ్య కలిసొచ్చింది. ఆ తర్వాత ఔట్ డేటెడ్ దర్శకుడు దాసరి దర్శకత్వంలో పరమ వీర చక్ర సినిమాలో నటించి పరమ ప్లాపును మూటగట్టుకున్నాడు ఈ హీరో.

తాజాగా మరోసారి ఇలాంటి రిస్క్ తో బాలయ్య గేమ్స్ ఆడుతున్నాడని సర్వత్రా చర్చించుకుంటున్నారు. బాలయ్య నటించిన 'శ్రీరామ రాజ్యం"సినిమా త్వరలో విడుదల కాబోతోంది. దీనికి బాపు దర్శకత్వం వహించారు. ఈ సినిమా తర్వాత జయంత్ సి. పర్జానీ దర్శకత్వంలో నటించబోతున్నాడు బాలయ్య. ఈ రెండు ప్రాజెక్టులు బాలయ్య సినీ కెరియర్ కు ప్రమాదం తెచ్చి పెట్టొచ్చంటున్నారు. శ్రీరామ రాజ్యం పౌరాణిక సినిమా కావడం ఒకటయితే, దానికి దర్శకత్వం వహించిన వ్యక్తి బాపు కావడం మరో కారణం. బాపు ఒక్కప్పుడు హిట్ సినిమాల దర్శకుడే కావచ్చు. కానీ ఇప్పడు ఆయన ఔట్ డేటెడ్. ఆ మధ్య బాపు దర్శకత్వం వహించిన రాధా గోపాళం పత్తాలేకుండా పోయింది. ఇక జయంత్ సి. పర్జానీ విషయానికొస్తే ...గతంలో లక్ష్మి నరసింహ సినిమా ద్వారా బాలయ్యకు హిట్ అందించిన జయంత్, అల్లరి పిడుగు అంటూ ఓ ప్లాపును కూడా బాలయ్య ఖాతాలో వేశాడు. ఇటీవల జయంత్ దర్శకత్వం వహించిన తీన్ మార్ చిత్రం ప్లాప్ అయింది. ఈ నేపథ్యంలో బాలయ్య భవిష్యత్ ఏమిటి? అనే ఆందోళన అభిమానుల్లో నెలకొంది.