‘లెజెండ్’ వేడి తగ్గక ముందే బాలయ్య మరో చిత్రం (ఫోటోలు)

By Bojja Kumar

Updated: Friday, April 4, 2014, 11:53 [IST]

హైదరాబాద్: 'లెజెండ్' చిత్రంతో హిట్ కొట్టిన నందమూరి బాలకృష్ణ తర్వాతి సినిమా ఖరారైంది. ఈ చిత్రాన్ని ప్రముఖ పారిశ్రామిక వేత్త రుద్రపాటి రమణారావు 'ఎస్ఎల్‌వి సినిమా' బేనర్లో నిర్మించబోతున్నారు. ప్రొడక్షన్ నెం.3గా తెరకెక్కబోతున్న ఈచిత్రానికి యువ దర్శకుడు సత్యదేవ దర్శకత్వం వహించబోతున్నారు.

ఈ సందర్భంగా విడుదల చేసిన ప్రెస్ నోట్లో మే నెలలో చిత్రాన్ని ప్రారంభించబోతున్నట్లు తెలిపారు. భారీ తారాగణం, భారీ బడ్జెట్, హైటెక్నికల్ వేల్యూస్‌తో ఈ చిత్రాన్ని తెరకెక్కించబోతున్నారట. సినిమాకు సంబంధించిన పూర్తి వివరాలు త్వరలోనే తెలియజేస్తామని నిర్మాత ప్రకటనలో పేర్కొన్నారు.

లెజెండ్ సినిమా వివరాల్లోకి వెళితే ఈ నెల 28న విడుదలైన ఈ చిత్రం బాక్సాఫీసు వద్ద కలెక్షన్ల వర్షం కురిపిస్తోంది. తొలి రోజు నుండే సినిమాకు పాజిటివ్ టాక్ రావడంతో థియేటర్లకు ప్రేక్షకులు క్యూ కడుతున్నారు. బాలయ్య కెరీక్లో ఈచిత్రం బిగ్గెస్ట్ బ్లాక్ బస్టర్ మూవీగా నిలిచింది. త్వరలోనే ఈ చిత్రం రూ. 50 కోట్ల మార్కును అందుకుంటుందని విశ్లేషకులు అంటున్నారు.

లెజెండ్ చిత్రానికి 'సింహా' ఫేం బయపాటి శ్రీను దర్శకత్వం వహించారు. సింహా అప్పట్లో భారీ విజయం సాధించింది. ఈ నేపథ్యంలో మళ్లీ బాలయ్య, బోయపాటి కాంబినేషన్ అనగానే అంచనాలకు ఆకాశాన్నంటాయి. ఆ అంచనాలను అందుకునే విధంగా కమర్షియల్ మసాలా బాగా దట్టించి సక్సెస్ కొట్టాడు బోయపాటి. ఈ చిత్రాన్ని 14 రీల్స్ ఎంటర్టెన్మెంట్స్, వారాహి చలన చిత్రం సయుక్తంగా నిర్మించాయి. దేవిశ్రీ ప్రసాద్ సంగీతం అందించారు.