అంకుల్ ఆంజనేయస్వామి ఎవరో తెలుసా-ఇంకెవరూ మన బాలయ్య బాబే

కోడి రామకృష్ణ దర్శకత్వంలో గతంలో 'మంగమ్మగారి మనవడు", 'ముద్దుల మావయ్య", మువ్వ గోపాలుడు, 'ముద్దుల మేనల్లుడు" వంటి విజయవంతమైన చిత్రాల్లో బాలకృష్ణ నటించాడు. మళ్ళీ వీరి కాంబినేషన్ లో ఓ సినిమా రూపొందనుందనే వార్తలు వినిపిస్తున్నాయి. ఈ సినిమాకి 'అంకుల్ ఆంజనేయ స్వామి" అనే టైటిల్ ను కూడా అనుకున్నారట. ప్రస్తుతం బాలకృష్ణ 'పరమవీర చక్ర", 'శ్రీరామ రాజ్యం" చిత్రాల్లో నటిస్తూ బిజీగా ఉన్నాడు. అలాగే పరుచూరి మురళి దర్శకత్వంలో ఓ సినిమా కమిట్ అయ్యాడు. ఈ చిత్రాలు పూర్తయిన తర్వాత కోడి రామకృష్ణ డైరెక్షన్ లో చేసే సినిమా ఆరంభమవుతుందనే వార్తలు వినిపిస్తున్నాయి.