బాలకృష్ణ 'పరమవీర చక్ర' లేటెస్ట్ ఇన్పో..

బాలకృష్ణ, దాసరి నారాయణరావు కాంబినేషన్ లో రూపొందుతున్న చిత్రం పరమవీర చక్ర. ఈ చిత్రం తేజ సినిమా పతాకంపై సి.కల్యాణ్ నిర్మిస్తున్నారు. సినిమా ప్రొగ్రెస్ గురించి నిర్మాత కల్యాణ్ మాట్లాడుతూ "ఈ నెల 18 నుంచి షెడ్యూలు జరుపుతున్నాం. ప్రస్తుతం రామోజీ ఫిల్మ్ ‌సిటీలో యాక్షన్ సన్నివేశాలు తీస్తున్నాం. ఫైట్‌మాస్టర్ రామ్-లక్ష్మణ్ ఆధ్వర్యంలో చిత్రీకరిస్తున్న ఈ సన్నివేశాల్లో హీరో హీరోయిన్లు బాలకృష్ణ, అమీషా పటేల్, కొత్త విలన్ అంజాద్‌ ఖాన్, 40 మంది ఫైటర్లు పాల్గొంటున్నారు. మరో రెండు రోజులు వీటిని తీస్తాం. సెప్టెంబర్ 25 వరకు ఈ షెడ్యూలు జరుగుతుంది" అని చెప్పారు. ఈ చిత్రంలో బాలకృష్ణ ద్విపాత్రలలో కనిపించనున్నారు. ఒకటి ఆర్మి మేజర్ గానూ, మరొకటి సినీ హీరోగానూ కనిపించనున్నారు. అలాగే ఈ చిత్రంలో బాలకృష్ణ సరసన నేహా ధూపియా, షీలా, అమీషా పటేల్ చేస్తున్నారు.