చిరంజీవి, బాలయ్య మధ్య ఇంకా అవే ఈక్వెషన్స్... అందుకే రాలేదు!

బాలయ్య ఫోన్ చేశారు

ఇండస్ట్రీలో బాలయ్య, చిరంజీవి మధ్య ముందు నుంచీ మంచి స్నేహం ఉంది. రాజకీయాల్లో కొన్ని విబేధాల వచ్చినా అది వారి స్నేహంపై పెద్దగా ప్రభావం చూపలేదు. ఎన్టీఆర్ బయోపిక్ ఆడియో లాంచ్ ఈవెంటుకు రావాలని బాలయ్య స్వయంగా చిరంజీవికి ఫోన్ చేసి ఆహ్వానించారట.

చిరంజీవి ఎందుకు రాలేదంటే...

మెగాస్టార్ తన తాజీ చిత్రం ‘సైరా నరసింహారెడ్డి' షూటింగులో బిజీగా ఉండటం వల్ల రాలేక పోయారు. ఈ షూటింగ్ ప్రస్తుతం హైదరాబాద్‌లో జరుగడం లేదని, ముంబైలో జరుగుతోందని, అందుకే మెగాస్టార్ రాలేక పోయారని టాక్.

ఆ ఈక్వెషన్స్ ఇప్పటికీ అలాగే...

చిరంజీవి, బాలయ్య ఇద్దరి మధ్య మొదటి నుంచి ఉన్న స్నేహం ఇప్పటికీ కొనసాగుతోంది. రాజకీయాల ప్రభావం తమ స్నేహం మీద పడకుండా ఈక్వెషన్స్ కొనసాగిస్తున్నారు. సమయం వచ్చినపుడు మాత్రమే వీరి స్నేహం బయటకు ఫోకస్ అవుతూ ఉంటుంది.

ఇద్దరి జీవితంలో ఇవే టాప్

చిరంజీవి కెరీర్లో అత్యంత ప్రతిష్టాత్మకంగా తెరకెక్కుతున్న చిత్రం ‘సైరా నరసింహారెడ్డి'. బాలయ్య సినీ జీవితంలో చేస్తున్న అత్యంత గొప్ప చిత్రం ‘ఎన్టీఆర్ బయోపిక్'. ఈ రెండు సినిమాలు 2019లోనే ప్రేక్షకుల ముందుకు వస్తుండటం మరో విశేషం.