బాలయ్య కాళ్ళు మొక్కుతున్న నిరుపేద.. ఫోటో వైరల్, మళ్ళీ హాట్ టాపిక్.. కారణం ఇదే!

ఫోటో వైరల్

హంసల దీవిలో బాలయ్య ఎన్టీఆర్ బయోపిక్ చిత్ర షూటింగ్ లో బిజీగా గడుపుతున్నాడు. షూటింగ్ లొకేషన్ లో ఓ నిరుపేద వృద్ధుడు బాలయ్య కాళ్లకు మొక్కుతున్న ఫోటో సోషల్ మీడియాలో చక్కర్లు కొడుతోంది.

క్యాన్సర్ వ్యాధితో భాదపడుతూ

ఓ నిరుపేద వృద్ధుడు బాలయ్య వద్దకు వెళ్లి తాను క్యాన్సర్ వ్యాధితో బాధపడుతున్నాని, సాయం చేయాలని అర్థించాడు. వెంటనే స్పందించిన బాలయ్య బసవతారకం క్యాసర్ ఆసుపత్రికి ఫోన్ చేసి ఆ వృద్ధుడి వివరాలు తెలియజేశాడు. ఉచితంగా మెరుగైన వైద్యం అందించాలని బాలయ్య ఆదేశించాడు.

సంతోషంతో

బాలయ్య అందించిన సాయంతో ఆ వృద్ధుడు సంతోషంలో మునిగిపోయాడు. వెంటనే బాలయ్య కాళ్లకు మొక్కాడు. ఈ ఫోటో ప్రస్తుతం సోషల్ మీడియాలో ట్రెండింగ్ గా మారింది.

ఫ్యాన్స్‌తో గొడవ

ఇటీవల బాలయ్య తెలంగాణాలో పర్యటించిన సందర్భంగా అభిమానులపై చేయి చేసుకున్న వార్త హాట్ టాపిక్ గా మారిన సంగతి తెలిసిందే. ఈ ఘటనతో బాలయ్య అభిమానులే ఫ్లెక్సీలు ధ్వంసం చేశారు.