వీరాభిమానం, ఆయనే దేవుడు: వెడ్డింగ్ కార్డ్ మీద బాలయ్య ఫోటోలతో..

కర్ణాటకకు చెందిన అభిమాని

కర్ణాటకకు చెందిన శ్రీనివాసులు తన కుమారుడి వివాహం సందర్భంగా బాలయ్యపై తన ఇష్టాన్ని, అభిమానాన్ని చాటుకోవాలనుకున్నాడు. ఆలోచన వచ్చిందే ఆలస్యం... బాలయ్య ఫోటోలతో పెళ్లి పత్రిక అచ్చు వేయించారు. ఈ పత్రిక చూసిన బంధువులు ఆశ్చర్యపోతున్నారు.

ఆయనే దేవుడు

సాధారణంగా పెళ్లి పత్రిక పైభాగం దేవుడి ఫోటో ముద్రిస్తారు. అయితే ఈ పత్రికలో వెంకటేశ్వర స్వామి రూపంలో ఉన్న బాలయ్య ఫోటో ముద్రించడం గమనార్హం. కవర్ పై బాలయ్య ఫోటో... లోన పత్రికపై వెంకటేశ్వర స్వామి రూపంలో ఉన్న బాలయ్య పిక్, వెనక స్టైలిష్‌గా మరో పిక్‌తో పత్రిక అచ్చు వేయించారు.

మే 13న వివాహం... నందమూరి అభిమానులంతా ఆహ్వానితులే

మే 13న తన కుమారుడి వివాహం జరుగుతోందని, నందమూరి అభిమానులంతా ఈ పెళ్లి వేడుకకు ఆహ్వానితులే అంటూ శ్రీనివాసులు అందులో పేర్కొన్నారు. ఈ పత్రిక విషయం ఇపుడు సోషల్ మీడియాలో వైరల్ అవుతోంది. తెలుగులో రాష్ట్రాల్లో ఉన్న ఫ్యాన్స్ సైతం ఇలాంటి ప్రపయోగం ఎప్పుడూ చేయలేదు.

నందమూరి బాలకృష్ణ

బాలయ్య నటిస్తున్న సినిమాల విషయానికొస్తే... ఎన్టీఆర్ బయోపిక్ తర్వాత బాలయ్య మరో రెండు చిత్రాలకు కమిటయ్యారు. అందులో ఒకటి కెఎస్ రవికుమార్ దర్శకత్వంలో సి. కళ్యాణ్ నిర్మిస్తున్నారు. త్వరలోనే ఈ షూటింగ్ ప్రారంభం కాబోతోంది. దీని తర్వాత సింహా, లెజెండ్ లాంటి బ్లాక్ బస్టర్ విజయాలు అందించిన బోయపాటి శ్రీనుతో మరో సినిమా చేయబోతున్నారు.