మిత్రుడు ఏమయ్యాడు?

బాలకృష్ణ, ప్రియమణి కాంబినేషన్లో ఈ రోజు(శుక్రవారం)రిలీజైన మిత్రుడు సినిమా ప్రేక్షకులను పెద్దగా ఆకట్టుకోవటం లేదని టాక్. అయితే బాలకృష్ణ గతంలో కన్నా ఈ చిత్రంలో గ్లామర్ గా కనిపించటాన్ని మాత్రం అభిమానులు ఎంజాయ్ చేస్తున్నాడు. రాజమౌళి శిష్యుడు మహదేవ్ రూపొందించిన ఈ చిత్రంలో కథే లోపమని తేలుస్తున్నారు.

విజయేంద్రప్రసాద్ అందించిన ఈ చిత్ర కథ మరీ ఎనభైలనాటి కథలా ఉండటం, ఇంకా జాతకాలు చుట్టూ కథనం నడవటం జీర్ణించుకోలేకపోతున్నారని సమాచారం. అయితే ఎమోషనల్ సన్నివేశాల్లో బాలయ్య మంచి నటన చూపారని, ఆ సన్నివేశాలు కొద్దొ గొప్పో పండాయంటే ఆయన ప్రతిభే కారణం అంటున్నారు. ఇక ప్రియమణి కొంత వరకూ అందాల విందు చేసినా..ద్రోణ చిత్రంలో బికినీ సన్నివేశంతో పోల్చుకుని నిరాశచెందుతున్నారు. ఏదైమైనా మంచి ఓపినింగ్స్ తెచ్చుకున్న మిత్రుడు..ఆశించిన రీతిలో మెప్పించలేకపోతున్నాడనేది ట్రేడ్ టాక్.