Don't Miss!
- News కేసీఆర్ కు రేవంత్ వార్నింగ్ - ఇక లెక్క పెట్టుకో..!!
- Technology ధర రూ.1799 కే, Youtube ,UPI ఫీచర్లతో Itel కొత్త ఫీచర్ ఫోన్! సేల్ వివరాలు
- Automobiles ఈవీ ఓనర్లకు Google Maps గుడ్ న్యూస్.. ఇకపై మీకు ఈ టెన్షన్ ఉండదు.!!
- Sports సూర్య సిగ్గుపడాలి.. క్రీడాస్ఫూర్తిని మరిచి నీఛమైన పని!
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
- Lifestyle భార్యా భర్త గొడవపడినా..బంధం బలంగా ముందుకు కొనసాగాలంటే ఇవి పాటించాలి..
100లో నా వారసుడు లేడు: బాలయ్య స్పష్టీకరణ
హైదరాబాద్: ఇటీవల 'మనం' చిత్రం ద్వారా నాగార్జున తనయుడు అఖిల్ అతిథి పాత్ర ద్వారా వెండితెరకు పరిచయమైన సంగతి తెలిసిందే. ఆ మధ్య మహేష్ బాబు '1' సినిమాలో అతని కొడుకు గౌతం అతిథి పాత్ర పోషించాడు. మరో వైపు ప్రస్తుతం తెరకెక్కుతున్న 'గోపాలా గోపాలా' చిత్రంలో వెంకటేష్ కొడుకు అర్జున్ కూడా అతిథి పాత్ర పోషించబోతున్నాడు.
ఈ నేపథ్యంలో బాలయ్య ప్రతిష్టాత్మకంగా చేయబోతున్న 100 సినిమా ద్వారా బాలయ్య నట వారసుడు మోక్షజ్ఞ తెరగ్రేటం చేయబోతున్నాడనే వార్తల జోరందుకున్నాయి. అతే బాలయ్య మాత్రం అలాంటిదేమీ లేదంటున్నాడు. బాలయ్య సన్నిహితుల నుండి అందుతున్న సమాచారం ప్రకారం 2016లోనే మోక్షజ్ఞ హీరోగా తెరంగ్రేటం చేసే అవకాశం ఉంటుందని తెలుస్తోంది.
కొన్ని రోజుల క్రితం 100వ సినిమా గురించి బాలయ్య మాట్లాడుతూ...' పూర్వ జన్మ సుకృతం వలన నందమూరి తారకరామారావు బిడ్డగా పుట్టాను. ఆయన ఈన్నో అద్భుతమైన పాత్రలు చేసి అందనంత ఎత్తుకి ఎదిగారు. నేను ఆయన బాటలోనే పయనిస్తున్నాను. నటుడిగా, బాధ్యతగల రాజకీయ నాయకుడిగా చేయాల్సిన పనులు కొన్ని ఉన్నాయి. అందుకే మంత్రి పదవిని సైతం వదులుకున్నాను. నా 98వ సినిమా అందరినీ మెప్పించేలా ఉంటే, నా 100వ సినిమా మాత్రం అత్యంత ప్రతిష్టాత్మకంగా ఉంటుంది' అని తెలిపారు.
ఈ సినిమా ఎవరితో చేస్తున్న విషయం బాలయ్య చెప్పక పోయినప్పటికీ.....రాఘవేంద్రరావు దర్శకత్వంలో ఉంటుందని గత కొంత కాలంగా ప్రచారం జరుగుతోంది. శ్రీకృష్ణ దేవరాయల సబ్జెక్టుతో ఈ చిత్రం ఉండే అవకాశం ఉంది. బాలయ్య కెరీర్లోనే హైలెట్ అయ్యేలా ఈచిత్రాన్ని ప్లాన్ చేస్తున్నారట.
ప్రస్తుతం సత్య దేవా దర్శకత్వంలో బాలయ్య చేస్తున్న సినిమా విషయానికొస్తే...ఈ చిత్రాన్ని రుద్రపాటి ప్రేమలతా సమర్పణలో రుద్రపాటి రామారావు ఎస్ఎల్ వి బేనర్లో నిర్మిస్తున్నారు. హిందూపురం అసెంబ్లీ నియోజకవర్గం నుండి ఎమ్ముల్యేగా ఎన్నికయిన తర్వాత బాలయ్య నటిస్తున్న తొలి సినిమా ఇదే కావడం విశేషం.