బాలయ్య, సచిన్ టెండూల్కర్ టార్గెట్ ఒక్కటే...!

తెలుగు హీరో బాలకృష్ణ, టీమిండియా క్రికెటర్ సచిన్ టెండూల్కర్ టార్గెట్ ఒక్కటే అని సినీ వర్గాల్లో చర్చించుకుంటున్నారు. ఇద్దరి ప్రొఫెషన్స్ వేర్వేరు. అసలు ఒకరితో ఒకరికి సంబంధం గానీ, పోలిక గానీ అస్సలు లేదు. మరి ఏమిటీ ఈ టార్గెట్ అనుకుంటున్నారా?

అసలు వివరాల్లోకి వెళితే...
ఇప్పటికే 99 సెంచరీలు సాధించిన సంచిన్ టెండూల్కర్ 100వ సెంచరీ కోసం తాపత్రయ పడుతున్నాడు. అప్పట్లో ఇంగ్లండ్ తో జరిగిన టెస్టు సిరీస్ దగ్గరి నుంచి నిన్న శ్రీలంకతో జరిగి టెస్టు మ్యాచ్ వరకు ఆ ఒక్కటి పూర్తి చేద్దామని ఎంత ప్రయత్నిస్తున్నా సాధ్యం కావడం లేదు. దీనిపై పట్టు వదలని విక్రమార్కుడిలా 100ను టార్గెట్గా చేసుకుని ప్రయత్నిస్తున్నాడు సచిన్.

బాలయ్య విషయానికొస్తే ఇప్పటి వరకు 94 సినిమాలుపూర్తి చేసుకున్న ఆయన 100కు చేరువయ్యారు. అయితే ఆ మిగిలిన సినిమాలు పూర్తి చేయడం అంత సులభం ఏమీ కాదు. ఆ సినిమాలు విజయవంతం అవ్వడం కూడా సవాల్ తో కూడుకున్నదే. ప్రస్తుతం రాజకీయాల వైపు చూస్తున్న బాలయ్య సెంచరీ పూర్తి చేస్తాడా? లేదా? అనే దానిపై అభిమానుల్లో అనేక సందేహాలు నెలకొన్నాయి.