twitter
    For Quick Alerts
    ALLOW NOTIFICATIONS  
    For Daily Alerts

    బాలయ్య 'సింహా' కి సంక్రాంతి రిలీజ్ కలిసివస్తుందా?

    By Srikanya
    |

    నందమూరి బాలకృష్ణ, బోయపాటి శ్రీను కాంబినేషన్లో రెడీ అవుతున్న 'సింహా' చిత్రం సంక్రాతికి రాబోతోందని..'సింహా' ఎగ్జిక్యూటివ్ ప్రొడ్యూసర్ బి.మహేంద్రబాబు మీడియాకు తెలియజేశారు. ఈ చిత్రం షూటింగ్ శరవేగంగా హైద్రాబాద్ లో జరుగుతోందనీ, ఈ నెలాఖరు వరకూ ఇక్కడే షూటింగ్ జరిపి ఆ తర్వాత వైజాగ్ లో కొంత షూటింగ్ చేస్తామని మహేంద్రబాబు తెలిపారు. సంక్రాంతి కానుకగా ఈ చిత్రాన్ని విడుదల చేసేందుకు ప్లాన్ చేస్తున్నట్టు చెప్పారు. అలాగే బాలకృష్ణ, స్నేహ ఉల్లాల్, నమిత హీరోహీరోయిన్లుగా ఈ 'సింహా' చిత్రం తెరకెక్కుతోంది. 'భద్ర', 'తులసి' వంటి హిట్ చిత్రాలను అందించిన బోయపాటి శ్రీను దర్శకత్వంలో యునైటెడ్ మూవీస్ పతాకంపై పరుచూరి కిరీటి ఈ చిత్రాన్ని నిర్మిస్తున్నారు. చిత్రంలోని ఇతర పాత్రల్లో రఘు, కోట శ్రీనివాసరావు, ఆదిత్య మీనన్, కె.ఆర్.విజయ, బ్రహ్మానందం, వేణుమాధవ్, ఆలీ, ధర్మవరపు, కృష్ణ భగవాన్, ఎల్బీ శ్రీరామ్, సైరాబాను, మలయాళ విలన్ సాయికుమార్ తదితరులు నటిస్తున్నారు. కథ-స్క్రీన్ ప్లే-మాటలు సైతం బోయపాటి శీను అందిస్తున్న ఈ చిత్రానికి స్టన్ శివ ఫైట్స్, కోటగిరి వెంకటేశ్వరరావు ఎడిటింగ్, చక్రి సంగీతం అందిస్తున్నారు. ఇక బాలకృష్ణ, వైవియస్ చౌదరి ల కాంబినేషన్లో గతంలో వచ్చిన ఒక్క మగాడు చిత్రం కూడా సంక్రాంతికే రిలీజైంది. అయితే అది ఫ్లాఫ్ టాక్ తెచ్చుకుంది. దాంతో బాలయ్య అభిమానులు ఈ సంక్రాంతి రిలీజ్ పట్ల అసంతృప్తి వ్యక్తం చేస్తున్నారు. అయితే చిత్రంలో విషయం ఉంటే ఈ ప్లాఫ్ సెంటిమెంట్ అనేది ఉండదనేది ఎన్నో సినిమాలుగా ఇండస్ట్రీలో నిరూపితమవుతున్న సత్యం.

     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X