డాన్ గా మారే కథే బాలయ్య 'సింహా'

బాలకృష్ణ తాజా చిత్రం సింహా ఈ రోజు అంతటా రిలీజవుతోంది. బోయపాటి శ్రీను దర్శకత్వంలో రూపొందిన ఈ చిత్రంలో బాలకృష్ణ పాత్ర పేరు నరసింహ. అతనంటే అందరికీ అభిమానం, ప్రేమ. ఆయన కూడా అందరూ నావాళ్లే అనుకొనే మనిషి. తన కుటుంబ సభ్యులందర్నీ కంటికి రెప్పలా చూసుకొంటాడు. అలాంటి నరసింహ ఓ దశలో డాన్‌ గా మారాల్సి వస్తుంది. ఎందుకు అలా మారాల్సి వస్తుందనేది తెర మీదే చూడాలి. ఈ చిత్రంలో బాలకృష్ణ ద్విపాత్రలలో కనిపించనున్నారు. నయనతార, నమిత, స్నేహా ఉల్లాల్ ఆయన సరసన కనిపించనున్నారు. ఇక ఇప్పటికే ఈ చిత్రానికి విపరీతమైన క్రేజ్ వచ్చింది. 'భద్ర', 'తులసి' తరవాత దర్శకుడు బోయపాటి శ్రీను రూపొందించిన చిత్రమిది.