చేయి చేసుకున్న బాలయ్య

గుంటూరు జిల్లా ఉన్నవ గ్రామానికి చెందిన అభిమానులపై సినీ నటుడు నందమూరి బాలకృష్ణ చేయి చేసుకున్నారు. రాత్రి చిలకలూరి పేటలో రోడ్ షో, బహిరంగ సభ ముగిసాక, బాలయ్య అర్ధరాత్రి గుంటూరుకు బయిలుదేరారు. మధ్యలో తిమ్మాపురంలో అభిమానులు ఆపడంతో బాలయ్య అక్కడ కొద్దిసేపు ఆగి మాట్లాడారు. దీంతో తమ గ్రామంలోకి రావాలంటూ ఉన్నవ గ్రామస్ధులు బాలకృష్ణ కాన్వాయ్ కు అడ్డు తగిలారు. ఇదే సమయంలో అభిమానులు కోరికకు అనుగుణంగా ఉన్నవ గ్రామానికి వెళ్తామంటూ సెక్యూరిటీ అధికారి బాలయ్యకు మొబైల్ అందించారు.

అప్పటికే ఆగ్రహంతో ఉన్న బాలయ్య సెక్యూరిటి అధికారి మీద చెయ్య చేసుకున్నారు. అదే ఆగ్రహంతో వాహనం దిగిన బాలకృష్ణ పలువురు కార్యకర్తల చెంప చెళ్ళు మనిపించారు. మీరు కొట్టినా, తిట్టినా పడతాం..మీరు మాత్రం మా ఊళ్ళో రోడ్ షో చేయాల్సిందే..అంటూ అభిమానులు మొండికేయటంతో చివరికి ఆయన ఆ గ్రామంలోకి వెళ్ళారు. అనంతరం ప్లేస్ నువ్వు చెప్పినా సరే..నన్ను చెప్పమన్నా సరే..టైం నువ్వు చెప్పినా సర్..నన్ను చెప్పమన్నా సరే..ఎప్పుడైనా సరే..ఎక్కడైనా సరే..కత్తులతో కాదు..ఓట్లతో సత్తా చూపాలంటూ ఆయన ప్రసంగించారు.