బాలకృష్ణతో శ్రీను వైట్ల

విజయవంతమైన ఢీ, దుబాయ్ శ్రీను సినిమాలను రూపొందించిన శ్రీను వైట్ల, బాలకృష్ణ హీరోగా సినిమా తీయడానికి ప్రణాళిక వేసుకున్నట్టు తెలుస్తోంది. ఒక్క మగాడు సినిమా పూర్తయిన తరువాత ఈ సినిమాకు సంబంధించి బాలకృష్ణ ఒప్పందంపై సంతకం చేసే అవకాశాలు కనిపిస్తున్నాయి. ఈ వారాంతంలో వైవియస్ చౌదరి ఒక్క మగాడు సినిమా షూటింగ్ పూర్తి కానున్నది. ఇదిలా ఉండగా వంశానికొక్కడు, ఆదిత్య 369 సినిమాలను నిర్మించిన శ్రీదేవి మూవీస్ కోసం బాలకృష్ణ మరో సినిమా చేయనున్నట్టు తెలుస్తోంది. ముందు ఏ సినిమా ప్రారంభం అవుతుందో వేచి చూడాల్సిందే.