బాలకృష్ణ చేతులమీదుగా గరుడవేగ ట్రైలర్

పిఎస్‌వి గరుడవేగ 126.18ఎం

అటువంటి ప్రమాదకర శక్తులని సమాజం నుంచి బహిష్కరించడమే 'ఎన్‌ఐఏ' (నేషనల్‌ ఇన్వెస్టిగేషన్‌ ఏజన్సీ). ఇదే కథాంశంతో రాజశేఖర్‌ కథానాయకుడిగా తెరకెక్కుతున్న చిత్రం 'పిఎస్‌వి గరుడవేగ 126.18ఎం'. ప్రవీణ్ సత్తారు దర్శకత్వంలో తెరకెక్కిన ఈ సినిమా విడుదలకు సిద్ధం అవుతుంది.

నవంబర్ 3న విడుదల

భారీ బడ్జెట్ తో రూపొందించిన ఈ సినిమాను నవంబర్ 3న విడుదల చేసేందుకు మూవీ యూనిట్ రెడీ అవుతుంది. ఇటీవల రిలీజైన ఈ మూవీ టీజర్‌కు సోషల్ మీడియాలో మంచి స్పందన వస్తుండగా... సినిమాపై అంచనాలు పెరిగిపోయాయి.ఎం.కోటేశ్వరరాజు నిర్మాతగా 25 కోట్ల భారీ బ‌డ్జెట్‌తో తెరకెక్కిన ఈ మూవీ చిత్రీకరణ పూర్తయింది.

ట్రైలర్ ను లాంచ్

ప్రస్తుతం నిర్మాణానంతర కార్యక్రమాలు జరుగుతున్నాయి. ఇప్పటికే ఈ మూవీ ప్రచార చిత్రాలకు మంచి స్పందన వచ్చిన విషయం తెలిసిందే. ప్రమోషన్స్ లో భాగంగా ఈ సినిమా నుంచి రేపు రాత్రి 8 గంటలకు ట్రైలర్ ను వదలనున్నారు. హైదరాబాద్ - జూబ్లీహిల్స్ లోని ఆర్కే సినీ ప్లెక్స్ లో "బాలకృష్ణ" చేతుల మీదుగా ఈ ట్రైలర్ ను లాంచ్ చేయనున్నారు.

పవర్ ఫుల్ పోలీస్ ఆఫీసర్

ఈ కారణంగా ఈ సినిమాకి మరింత క్రేజ్ పెరుగుతుందనే నమ్మకంతో వున్నారు. ఇప్పటికే వదిలిన టీజర్ కి మంచి రెస్పాన్స్ రావడంతో, ఈ ట్రైలర్ తో అంచనాలు భారీగా పెరగడం ఖాయమని భావిస్తున్నారు. రాజశేఖర్ ఈ సినిమాలో పవర్ ఫుల్ పోలీస్ ఆఫీసర్ గా కనిపించనున్నాడు. పూజా కుమార్ కథానాయికగా నటించగా, శ్రద్ధా దాస్ ముఖ్యమైన పాత్రలో కనిపించనుంది. సన్నీలియోన్ ఐటమ్ సాంగ్ ఈ సినిమాకి హైలైట్ కానుందని సమాచారం.