హోమ్

న్యూస్

హైదరాబాద్: ప్రముఖ సినీ నటుడు బాలయ్య తన 50వ జన్మదినాన్ని గురువారం అభిమానుల మధ్య హైదరాబాదులోని కోట్ల విజయభాస్కర రెడ్డి స్టేడియంలో జరుపుకున్నారు. ఈ సందర్భంగా ఆయన దాసరి నారాయణరావు దర్శకత్వంలో నటిస్తున్న పరమవీర చక్ర షూటింగ్ ప్రారంభమైంది. తెలుగుదేశం పార్టీ అధ్యక్షుడు నారా చంద్రబాబు నాయుడు సినిమాకు క్లాప్ కొట్టి షూటింగ్ ప్రారంభించారు. ఐదు వేల మంది అభిమానులు ఈ వేడుకలకు హాజరయ్యారు.

బాలయ్య కేక్ కట్ చేసి తన జన్మదినం చేసుకున్నారు. ఈ కార్యక్రమానికి కాంగ్రెసు శాసనసభ్యుడు దగ్గుబాటి వెంకటేశ్వర రావు, కళ్యాణ్ రామ్, తారక రత్న తదితురులు హాజరయ్యారు. పరమవీర చక్ర చిత్రాన్ని కళ్యాణ్ నిర్మిస్తున్నారు. ఈ కార్యక్రమానికి పలువురు సినీ ప్రముఖులు, రాజకీయ నాయకులు హాజరయ్యారు. బాలయ్యను ప్రముఖులు అభినందించారు. బాలకృష్ణ బెబ్బులిపులి డైలాగులు వినిపించి అభిమానులను అలరించారు.