Don't Miss!
- News తెలంగాణ జెన్కో, ఏఈ, కెమిస్ట్ ఉద్యోగ పరీక్ష వాయిదా
- Sports Tilak Varma:అతని కోసమే ఆ సంబరాలు! వీడియో
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Technology 6.67 అంగుళాల డిస్ప్లే, ట్రిపుల్ కెమెరాతో వివో కొత్త ఫోన్... లాంచ్, స్పెసిఫికేషన్ల వివరాలు..!
- Lifestyle First Surya Grahan: ఏప్రిల్ నెలలో మొదటి సూర్య గ్రహణం ఎప్పుడు? సూతక కాలం
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
గబ్బర్ సింగ్ పవర్స్టార్ బిక్ష.. 8 కాదు.. 80 ఏళ్లైనా.. ప్రత్యేకంగా ‘బండ్ల’ గణపతి హోమం
గబ్బర్ సింగ్ సినిమా 8 ఏళ్లు పూర్తి చేసుకొన్న సందర్భంగా నిర్మాత బండ్ల గణేష్ ఎమోషనల్ అయ్యారు. ఆయన కెరీర్లో ఈ చిత్రం ఓ మైలురాయిగా నిలువడమే అందుకు కారణం. గబ్బర్ సింగ్ రిలీజ్ అయి 8వ ఏడాది కావడంతో అభిమానులు సోషల్ మీడియాలో ఈ చిత్రం గురించి మాట్లాడుకోవడం ట్రెండింగ్గా మారింది. ఈ సందర్భంగా బండ్ల గణేష్ ఎమోషనల్గా చేసిన ట్వీట్ ఆసక్తిని రేపింది. అలాగే గబ్బర్ సింగ్ ప్రీ రిలీజ్ ఈవెంట్లో బండ్ల గణేష్ చేసిన స్పీచ్ వైరల్గా మారింది. ఈ విషయాల గురించి వివరాల్లోకి వెళితే...
గబ్బర్ సింగ్కు 8 ఏళ్లు: అప్పుడు బాక్సాఫీస్, ఇప్పుడు ట్విట్టర్ బెండు తీస్తూ, 34 మినిట్స్ లోనే రచ్చ
గబ్బర్ సింగ్ రోజున గణపతి హోమం
గబ్బర్ సింగ్ సినిమా గురించి ఎమోషనల్గా బండ్ల గణేష్ ట్వీట్ చేస్తూ.. అందరూ పుట్టిన రోజున లేదా పెళ్లి రోజున హోమం చేసుకొంటారు. కానీ గబ్బర్ సింగ్ రిలీజ్ రోజున నేను నా కుటుంబ సభ్యులతో గణపతి హోమం చేసుకొన్నాను అంటూ ట్వీట్ చేశారు. గబ్బర్ సింగ్ సినిమా పవర్ స్టార్ పవన్ కల్యాణ్ పెట్టిన భిక్ష. ఎప్పటికీ నేను కృతజ్ఞుణ్ణి అని మరో ట్వీట్లో గణేష్ పేర్కొన్నారు.
పవన్ కల్యాణ్కు జీవితాంతం రుణఫడి
పవన్ కల్యాణ్ గురించి బండ్ల గణేష్ స్పందిస్తూ.. ఈ రోజుల్లో సహాయం పొందిన మరుసటి రోజే ఎదురు తిరిగి వారినే ప్రశ్నిస్తారు. కానీ నేను మాత్రం ఈ జన్మంత పవన్ కల్యాణ్కు రుణపడి ఉంటాను. గబ్బర్ సింగ్ చిత్రం చరిత్రలో చిరస్థాయిగా నిలిచిపోతుంది. తెలుగు సినిమా చరిత్రలో గబ్బర్ సింగ్ ఎప్పటికీ ఓ చరిత్ర అని బండ్ల గణేష్ పేర్కొన్నారు.
Recommended Video
తింటే గారెలు.. వింటే రామాయణం.. తీస్తే గబ్బర్ సింగ్
గబ్బర్ సింగ్ సినిమాపై బండ్ల గణేష్ తనదైన శైలిలో స్పందించారు. తింటే గారెలు తినాలి. వింటే రామాయణం వినాలి. తీస్తే గబ్బర్ సింగ్ తీయాలి. ఇది నా అదృష్టం. జై పవర్ స్టార్. 8 ఏళ్లు కాదు.. 80 ఏళ్ల తర్వాత మన గబ్బర్ సింగ్ గురించి చర్చిస్తారు. పవర్ స్టార్ ఎప్పటికీ చరిత్ర. గబ్బర్ సింగ్ విడుదల రోజున నా బిడ్డలను ఆశీర్వదించండి అంటూ బండ్ల గణేష్ క్రేజీగా ట్వీట్ చేశారు.
పవన్ కల్యాణ్ ఓ వ్యసనం
ఇక పవన్ కల్యాణ్కు నిర్మాత బండ్ల గణేస్ వీరాభిమాని అనే విషయం తెలిసిందే. పలు సందర్భాల్లో పవన్పై ఉండే అభిమానాన్ని ఆయన పలు రకాలుగా చాటుకొన్నారు. గబ్బర్ సింగ్ 8 ఏళ్లు పూర్తి చేసుకొన్న సందర్భంగా పవన్ కల్యాణ్ ఓ వ్యసనం. అలవాటు చేసుకొంటే చచ్చే వరకు మరిచిపోలేం అంటూ బండ్ల గణేష్ ట్వీట్ల వర్షం కురిపించారు.
రికార్డు స్థాయిలో 7 మిలియన్ల వ్యూస్
ఇదిలా ఉండగా, గబ్బర్ సింగ్ చిత్రం 8 ఏళ్లు పూర్తి చేసుకొన్న సందర్భంగా ట్విట్టర్లో ట్రెండింగ్ మొదలైంది. కేవలం 34 నిమిషాల్లోనే దాదాపు 1 మిలియన్ ట్వీట్స్ చేశారు. మొత్తంగా రికార్డు స్థాయిలో 7 మిలియన్ల ట్వీట్లు రావడం విశేషం. ప్రస్తుతం సోషల్ మీడియాలో ఈ చిత్ర గురించి అభిమానులు తనదైన శైలిలో మాట్లాడుకొంటున్నారు.