బ్లేడుతో ఆత్మహత్య చేసుకుంటానన్న బండ్ల గణేష్...వద్దంటున్న ఫ్యాన్స్!

ఆత్మహత్య చేసుకుంటానంటూ ఛాలెంజ్

తెలంగాణ ఎన్నికల్లో కాంగ్రెస్ పార్టీ అధికారంలోకి రాక పోతే మీరు డిసెంబర్ 11న బ్లేడు తీసుకుని రండి, ఇదే ప్లేసులో అందరి ముందు గొంతుకోసుకుని ఆత్మహత్య చేసుకుంటాను, గెలిస్తే మీరు నాకు స్వీట్లు ఇవ్వాలి.... అంటూ బండ్ల గణేష్ తనదైన శైలిలో వ్యాఖ్యానించారు.

సినిమా రంగంలోకి రావాలంటున్న ఫ్యాన్స్

అయితే బండ్ల గణేష్ చేసిన ఈ వ్యాఖ్యలపై కొందరు అభిమానులు ఆందోళన వ్యక్తం చేస్తున్నారు. గెలుపు ఓటములు అనేవి ఎక్కడైనా సహజం. దీని కోసం చావడం ఎందుకు? అంటూ ప్రశ్నిస్తున్నారు. ఒక వేళ కాంగ్రెస్ పార్టీ ఓడిపోయినా ఆత్మహత్య లాంటి పిచ్చి పనులకు పాల్పడ వద్దని, సినిమాల వైపు రావాలని, మరిన్ని బ్లాక్ బస్టర్ సినిమాలు మాకు అందించాలని కోరుతున్నారు.

చనిపోతే కామెడీ మిస్సవుతాం అంటూ కొందరు...

అయితే కొందరు మాత్రం బండ్ల గణేష్ వ్యాఖ్యలను సీరియస్‌గా తీసుకోకుండా కామెడీగా చూస్తున్నారు. ‘‘అన్నా మీరు మాకు కావాలి, మమ్మల్ని మరింత నవ్వించాలి, మీరు లేక పోతే కామెడీ మిస్సవుతాం' అంటూ వ్యాఖ్యానిస్తున్నారు.

సినిమాలకు ఎందుకు దూరం అయ్యారు?

ఒకప్పుడు టాలీవుడ్లో వరస బ్లాక్ బస్టర్స్ నమోదు చేసిన బండ్ల గణేష్ సినిమాలకు దూరం అవ్వడానికి కారణం వరుస ప్లాపులే అని టాక్. దీంతో పాటు ఓ సినిమా విషయంలో డబ్బు వివాదం కోర్టు వరకు వెళ్లడం కూడా ఆయన సినీ నిర్మాణ రంగానికి దూరం అవ్వడానికి కారణమని అంటున్నారు.