వాళ్ళు కూడా సినిమాలు తీయడం వల్లే ఇలా.. అశ్వినీదత్ కు బండ్ల గణేష్ మద్దతు!

అర్హత ఎవరికి లేదని

అశ్వినీదత్ తాజాగా మీడియాలో చేసిన కామెంట్స్ మీద బండ్ల గణేష్ ఒక ఆడియో విడుదల చేశారు. ఈ ఆడియోలో తాను అశ్వినీదత్ చేసిన కామెంట్స్ తో పూర్తిగా ఏకీభవిస్తున్నానని ఆయన చెప్పుకొచ్చారు. సీనియర్ నిర్మాతగా అశ్వినీదత్ కు 50 ఏళ్ల సినీ నిర్మాణ రంగంలో అనుభవం ఉందని ఆయన అన్నారు. అలాగే ఒక హీరోను లేదా డైరెక్టర్ ను రెమ్యూనరేషన్ తగ్గించుకోమని చెప్పే అర్హత ఎవరికి లేదని అలా అడగకూడదని అన్నారు.

కామెంట్ల మీద

కారులో రకాలు ఉంటాయంటూ అనేక కార్ల పేర్లు ప్రస్తావించిన బండ్ల గణేష్ అవన్నీ కార్లు అయినా ఒక్కో కారుకి ఒక్కో రేటు ఉన్నట్లే అందరూ హీరోలే అయినా ఒక్కొక్కరి హీరోకి ఒక్కో రేటు ఉంటుందని అన్నారు. ఎవరిని వాళ్లకు ఉంటుందన్న బండ్ల గణేష్ మనకు నచ్చి మనం ఎంత మార్కెట్ చేసుకోవాలో తెలిసినప్పుడు మాత్రమే హీరోని అప్రోచ్ అయ్యి సినిమా చేయాలని అన్నారు. సినీ పరిశ్రమ బాగోవడం కోసం హీరోల రెమ్యూనరేషన్ తగ్గించాలని అనడం తప్పంటూ ఆయన నిర్మాతలు చేస్తున్న కామెంట్ల మీద ఖండించారు.

నిరాశ పరచలేదని

అంతేకాక అసలు కాల్ షీట్లకు షీట్లకు తేడా తెలియని వాళ్ళు కూడా ఇప్పుడు సినిమాలు చేస్తున్నారని, అసలు షూటింగ్ కోసం ఏ లైట్స్ వాడుతారు, ఏ లొకేషన్ కి ఎంత ఖర్చవుతుందో కూడా తెలియని వాళ్ళు సినిమాలు చేస్తున్నారని మండిపడ్డారు. తాను ఒక నటుడిగా మేనేజర్ గా, ప్రొడక్షన్ మేనేజర్ గా ప్రొడ్యూసర్ గా పని చేశానని అన్నారు. తనకు ఎలాంటి గాడ్ ఫాదర్లు లేకపోయినా ఇండస్ట్రీ తనను ఎప్పుడూ నిరాశ పరచలేదని అన్నారు.

ఐదు నిమిషాల పాటు

ఇక ప్రొడ్యూసర్స్ గిల్డ్ లాంటివన్నీ వేస్ట్ అని ఒక చాంబర్, ఒక కౌన్సిల్ ఉండాలి అవి చెప్పిన మాటలకే కట్టుబడి ఉండాలని బండ్ల గణేష్ చెప్పుకొచ్చారు. అసలు సినిమాలు తీయని వాళ్ళు కూడా గిల్డ్ లో ఉన్నారని అసలు వాళ్ళకి ఏం తెలుసు అని బండ్ల గణేష్ ప్రశ్నించారు. సుమారు ఐదు నిమిషాల పాటు సాగిన ఈ ఆడియో ఇప్పుడు ఆసక్తికరంగా మారిపోయింది.

సినిమాలు తీయడం వల్లే

అసలు కొత్తగా ఏర్పడిన నిర్మాతల గిల్డ్ ప్రయత్నాలన్నీ వృధా ప్రయాస అని ఆయన పేర్కొన్నారు. అసలు షూటింగ్ ఎప్పుడు మొదలుపెట్టి ఎప్పుడు ప్యాకప్ చెప్పాలో తెలియని వాళ్ళు కూడా సినిమాలు తీయడం వల్లే ఇలాంటి పరిస్థితులు ఏర్పడుతున్నాయి అంటూ బండ్ల గణేష్ వ్యాఖ్యానించారు. ఇక బండ్ల గణేష్ సహా మరికొందరు నిర్మాతలు కూడా అశ్వినీదత్ చేసిన వ్యాఖ్యలపై తమ మద్దతు వ్యక్తం చేస్తున్నారు.