ప్రేమిస్తే చంపేస్తాం, చచ్చిపోతాం.. ప్రణయ్ హత్య జరిగి ఉండేది కాదు.. బంగారి బాలరాజు చిత్రంలో!

ప్రేమ చావుని కోరుకుంటుందా

నిజమైన ప్రేమ చావుని కోరుకుంటుందా అనే కాన్సెప్ట్ నేపథ్యంలో ఈ చిత్రం తెరకెక్కుతోంది. చిత్ర యూనిట్ మాట్లాడుతూ.. ఈ మధ్యన ప్రేమ పేరుతో జరుగుతున్న సంఘటనలు చూస్తూనే ఉన్నాం. ప్రేమిస్తే చంపేస్తాం, ప్రేమని ఒప్పుకోకుంటే చచ్చిపోతాం అనే వార్తలు చూస్తూనే ఉన్నాం. అలాంటి అంశాల ఆధారంగా నిజమైన ప్రేమ చావుని కోరుకుంటుందా అనే కోణంలో ఈ చిత్రాన్ని తెరకెక్కించినట్లు చిత్ర యూనిట్ తెలిపింది.

ఆరు పాటలు అద్భుతంగా

ఈ చిత్రం ఆరు పాటలు ఉన్నాయని దర్శకుడు కోటేంద్ర దుద్యాల తెలిపారు. ఆరు పాటలు అద్భుతంగా వచ్చాయి. అక్టోబర్ 25న ఈ చిత్రం విడుదల కాబోతోంది. రెండు తెలుగు రాష్ట్రాల్లో ఈ చిత్రాన్ని విడుదల చేస్తున్నాం అని దర్శకుడు తెలిపాడు. అందరూ ఈ చిత్రాన్ని చూసి ఆశీర్వదించాలని కోరారు.

బంగారంలాంటి సినిమా

ఈ చిత్రంలో హీరోగా బాలరాజు పాత్రలో నటించిన రాఘవ్ మాట్లాడుతూ.. బంగారి బాలరాజు చిత్రం బంగారం లాంటి సినిమా అని తెలిపాడు. బంగారి బాలరాజు చిత్రం రొమాంటిక్ ఎంటర్ టైనర్ గా రూపొందుతోంది. కామెడీ, యాక్షన్ అన్ని అంశాలు ఈ చిత్రంలో ఉన్నాయని రాఘవ్ తెలిపాడు.

పరిష్కారం చూపించాం

సమాజంలో ప్రేమ పేరుతో జరుగుతున్న నేరాలకు ఈ చిత్రంలో పరిష్కారం చూపించినట్లు చిత్ర యూనిట్ తెలిపింది. బంగారి బాలరాజు చిత్రం కాస్త ముందుగా విడుదలై ఉంటే మిర్యాలగూడ ఘటన ప్రణయ్ హత్య జరిగి ఉండేది కాదని చిత్ర యూనిట్ అభిప్రాయ పడింది. రఫి, గడ్డం రాఘవేంద్ర రెడ్డి ఈ చిత్రానికినిర్మాతలు . రాఘవ్, కారుణ్య హీరో, హీరోయిన్లుగా నటిస్తున్నారు.