పి.వాసు ఇంటి వద్ద ధర్నా,అరెస్టు

By Staff

Published: Thursday, March 12, 2026, 3:12 [IST]

చెన్నై లోని దాదాపు 250 మంది దాకా క్షురకులు దర్శకుడు పి.వాసు ఇంటి వద్ద ధర్నాకు దిగారు. కుశేలన్ (కథానాయకుడు) సినిమాలో తమ కులాన్ని,వృత్తిని కించపరిచే విధంగా ఉన్న సన్నివేశాలను వెంటనే తొలిగించాలని డిమాండు చేసారు. క్షరుకుల సంఘం వాదన ప్రకారం వాసు తీసిన కుశేలన్ చిత్రంలో క్షౌరక వృత్తిని చాలా దారుణంగా చిత్రీకరించారని,కామిడీ చేయ ప్రయత్నించారని... నిజ జీవితంలో ఎక్కడా అటువంటి సంఘటనలు జరగవని అన్నారు.

అందుకే తామంతా ఈ నిర్ణయానికి వచ్చి ఇలా ఇంటి ముట్టడికి దిగాల్సి వచ్చిందన్నారు. ఇదిలా ఉండగా పోలీసులు అక్కడికి వచ్చి వారిని అరెస్టు చేసారు. వారినందరిని లైలార్డ్స్ రోడ్డులోని ఓ సోషల్ వెలఫేర్ హాల్ లో ఉంచారు. ఇది జరిగిన తర్వాత...క్షరుకుల సంఘం ప్రెసెడెంట్ నటేషన్ మీడియా తో మాట్లాడుతూ...తమని భాధ పెట్టే సన్నివేశాలు తొలిగించేవరకూ వదలమని...కోర్టుకు వెళ్ళి తేల్చుకుంటామని అన్నారు.

More from Filmibeat