బిపాషా అంటే బెల్లంకొండకు అంతిష్టమా?

By Staff

Published: Friday, March 13, 2026, 4:20 [IST]

తరుణ్, ఇలియానా హీరోహీరోయిన్లుగా రూపొందుతున్న రోమియో-జూలియట్ సినిమాను బెల్లంకొండ సురేష్ నిర్మిస్తున్నాడు. అయితే ఈ సినిమాను బాలీవుడ్ లో ఘనవిజయం సాధించిన బంటీ ఔర్ బబ్లీ సినిమా ఆధారంగా రూపొందుతున్నట్టు టాలీవుడ్ సమాచారం. అక్కడ అమితాబచన్ పోషించిన పాత్రను ఇక్కడ జగపతిబాబు పోషిస్తున్నాడు. అభిషేక్ బచన్ పోషించిన పాత్రను తరుణ్ పోషిస్తున్నట్టు సమాచారం.

ఇదిలా ఉంటే రోమియో-జూలియట్ సినిమాలో బిపాషా చేత ఐటమ్ సాంగ్ కచ్చితంగా చేయించాలని బెల్లంకొండ సురేష్ కలలు కన్నాడు. బిపాషా అంటే సురేష్ అంత ఇష్టమట. ఆ ఐటమ్ సాంగ్ కోసం ఒక కోటి రూపాయలు కూడా ఇవ్వడానికి ఆయన సిద్ధమయ్యాడు. ఇప్పటికే ఇలియానాకు 1కోటి, తరుణ్ కు 2 కోట్లకు పైగా ఇచ్చినట్టు ఫిల్మ్ నగర్ సమాచారం. అయిదు నిమిషాల పాట కోసం కోటి రూపాయలు వెచ్చించడమేమిటని టాలీవుడ్ గుసగుసలాడుతోంది. అశ్వనీదత్ లాంటి సీనియర్ నిర్మాతలు సైతం సురేష్ నిర్ణయం పట్ల ఆశ్చర్యం వ్యక్తం చేస్తున్నారట.

More from Filmibeat