Don't Miss!
- News Money astrology March 29th: ఈ రాశులవారికి ధనలక్ష్మీ కటాక్షం!!
- Sports RR vs DC: కన్నీటి పర్యంతమైన రియాన్ పరాగ్!
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
కొడుకు కోసం హీరోయిన్పై కన్నేసిన నిర్మాత.. కోటి సమర్పించుకోవడానికి సిద్ధం
దర్శకుడు బోయపాటి శ్రీనుతో ఓ చిత్రం నిర్మిస్తూనే.. డిక్టేటర్ దర్శకుడు శ్రీవాస్తో తన కుమారుడి కోసం మరో సినిమాపై దృష్టిపెట్టాడు నిర్మాత బెల్లంకొండ సురేష్.
దర్శకుడు బోయపాటి శ్రీనుతో ఓ చిత్రం నిర్మిస్తూనే.. డిక్టేటర్ దర్శకుడు శ్రీవాస్తో తన కుమారుడి కోసం మరో సినిమాపై దృష్టిపెట్టాడు నిర్మాత బెల్లంకొండ సురేష్. తన కుమారుడు బెల్లంకొండ శ్రీను కోసం స్టార్ హీరోయిన్లను రంగంలోకి దించిన దాఖలాలు గతంలో ఉన్నాయి. అల్లుడు శ్రీను కోసం సమంతను, ఆ తర్వాత సినిమాలో తమన్నాను శ్రీను సరసన నటించేలా చేశాడు. అందుకోసం భారీగానే ముట్టుజెప్పినట్టు వార్తలు వచ్చాయి. ప్రస్తుతం దర్శకుడు బోయపాటి రూపొందిస్తున్న చిత్రంలో కూడా రకుల్ ప్రీత్ సింగ్ నటిస్తున్నది. తదుపరి చిత్రం కోసం పూజా హెగ్డేపై నిర్మాత సురేష్ దృష్టిపెట్టినట్టు సమాచారం.
డిక్టేటర్ శ్రీవాస్ చిత్రానికి పూజా హెగ్డే..
బెల్లంకొండ శ్రీనివాస్ తదుపరి చిత్రాన్ని డిక్టేటర్ దర్శకుడు శ్రీవాస్తో ప్లాన్ చేశాడు నిర్మాత బెల్లంకొండ సురేష్. తెలుగులో హాట్ హాట్గా మంచి జోరు మీద ఉన్న పూజాహెగ్డే అయితే సరైన జోడి అని భావిస్తున్నాడట. అనుకున్నదే తడువుగా పూజాతో సంప్రదింపులు జరిపినట్టు సమాచారం. ప్రస్తుతం ఇంకా చర్చల దశలోనే ఉన్నట్టు తెలుస్తున్నది.
కీర్తీ సురేశ్ పేరు పరిశీలనలో..
శ్రీనివాస్, శ్రీవాస్ కాంబినేషన్లో వచ్చే చిత్రం కోసం తొలుత కీర్తీ సురేష్ పేరును పరిశీలించినట్టు సమాచారం. అయితే పూజా హెగ్డే అయితే బాగుంటుందనే దర్శకుడి సూచనతో నిర్మాత సురేష్ మనసు మార్చుకొన్నట్టు తెలుస్తున్నది. పూజాను సంప్రదించగా సుమారు రూ.కోటి రూపాయల వరకు డిమాండ్ చేసినట్టు తెలిసింది. అందుకు సురేశ్ కూడా సిద్ధపడినట్టు తెలుస్తున్నది.
దువ్వాడ జగన్నాథంలో..
మిస్ ఇండియా పూజా హెగ్డే 2010లో మిస్ యూనివర్స్ రన్నరప్గా నిలిచింది. తొలుత తమిళంలో ముగమూడి అనే చిత్రంతో సినీ పరిశ్రమకు పరిచయమైంది. టాలీవుడ్లో అక్కినేని నాగచైతన్య నటించిన ఒక లైలా కోసం చిత్రంలో హీరోయిన్గా కనిపించింది. ఆ తర్వాత మెగా హీరో వరుణ్ తేజ్తో కలిసి ముకుంద చిత్రంలో నటించింది. ఈ రెండు చిత్రాలు ఓ మోస్తారు విజయాన్ని సాధించాయి.
పూజా హెగ్గే కోసం భారీ ఆఫర్
ఈ మధ్య కాలంలో హిందీలో హృతిక్ రోషన్తో మొహంజదారో చిత్రంలో నటించింది. అయితే ఆ చిత్రం దారుణమైన ఫ్లాఫ్ను మూటగట్టుకొన్నది. తాజాగా అల్లు అర్జున్ చిత్రం దువ్వాడ జగన్నాథంలో నటించింది. ఈ చిత్రం పూజా హెగ్డేకు మంచి క్రేజ్ తెచ్చిపెడుతున్నది. ఈ నేపథ్యంలో బెల్లంకొండ సురేష్ భారీ రెమ్యునరేషన్ ఇచ్చైనా సరే పూజా హెగ్డేను తీసుకోవాలని చూస్తున్నారట.