హోమ్

న్యూస్

భానుమతి రామకృష్ణ సినిమాతో తెలుగు తెరకు పరిచయమైన అందాల భామ సలోనీ ఇండిపెంటెంట్ అమ్మాయి రోల్స్ కు కేర్ ఆఫ్ అడ్రెస్ గా మారిపోయింది. ఓ వైపు దక్షిణాదిన వరుస సినిమాలతో బిజీగా మారుతున్న సలోనీ, మరోవైపు అంతర్జాతీయ స్థాయిలోనూ రప్ఫాడించేస్తోంది.

మొదటి సినిమాతోనే నటనా పరంగా వందకు వంద మార్కులు వేయించుకున్న సలోనీ రెండు అమెరికన్ సినిమాల్లోనూ నటించింది. టర్న్డ్ అవుట్, ఫర్బిడ్డెన్ సినిమాల్లో రెండు విభిన్నమైన పాత్రలు పోషించింది. ఇందులో ఫర్బిడ్డెన్ అనే షార్ట్ ఫిల్మ్ లాస్ ఏంజెలెస్ ఫిల్మ్ ఫెస్టివల్ కు ఎంపిక అవ్వడం మరో విశేషం.

భానుమతి రామకృష్ణ సినిమాలో కాస్త తలబిరుసు అమ్మాయిగా కనిపించి మెప్పించిన సలోనీ, ఫర్బిడ్డెన్ లో సంప్రదయానికి కట్టుబడే తండ్రి చాటు తనయగా కనిపించింది. అంతర్జాతీయంగా చోటుచేసుకుంటోన్న పరువు హత్యలు, మతం ముసుగులో అమ్మాయిలపై జరుగుతున్న దౌర్జన్యకాండను ఈ సినిమా కళ్లకు కడుతుంది. ఓ నిజ జీవిత గాథ ఆధారంగా ఈ షార్ట్ ఫిల్మ్ తెరకెక్కింది.

లాస్ ఏంజెలెస్ లోని FFTG ఫిల్మ్ ఫెస్టివల్ లో ఫర్బిడ్డెన్ మూవీని స్క్రీన్ చేయనున్నారు. మరోవైపు తెలుగులోనూ పలు సినిమాలకు సంతకాలు చేసిన సలోనీ ఇక్కడి ప్రేక్షకులను మరింత గా అలరించేందుకు సిద్ధమవుతోంది.