భరత్ అనే నేను ఫస్ట్ కాపీ రిపోర్ట్.. ‘బ్లాక్‌బస్టర్.. మహేష్ కెరీర్‌లోనే బిగ్ హిట్’!

ఆడియోకు విశేష స్పందన

హైదరాబాద్ ఎల్బీ స్టేడియంలో భరత్ బహిరంగ సభ పేరుతో ఏప్రిల్ 7వ తేదీన భారీ ఎత్తున ఆడియో ఆవిష్కరణ కార్యక్రమాన్ని నిర్వహించారు. ఈ కార్యక్రమానికి భారీ స్పందన వచ్చింది. ఆ రోజు విడుదలైన పాటలకు ప్రేక్షకుల నుంచి విశేష స్పందన వచ్చింది.

రికార్డులు తిరుగరాయాలి..

భరత్ అనే నేను ఆడియో వేడుకకు ముఖ్య అతిథిగా జూనియర్ ఎన్టీఆర్ హాజరయ్యాడు. ఈ చిత్రం అద్భుతమైన విజయాన్ని సాధించాలి అని ఆయన ఆకాక్షించారు. ప్రేక్షకుల భాషలో చెప్పాలంటే రికార్డులను తిరుగరాయాలి అని ఎన్టీఆర్ అన్నారు.

భరత్‌పై మహేష్ భారీ నమ్మకం

ఇప్పటికే ఈ చిత్ర విజయంపై ప్రిన్స్ మహేష్ బాబు భారీ నమ్మకం పెట్టుకొని ఉన్నారు. శ్రీమంతుడు తర్వాత తన కెరీర్‌లో నిలిచేపోయే అత్యుత్తమ చిత్రం అని ఆడియో సభలో పేర్కొన్నాడు.

భరత్ ఫస్ట్ కాపీ రిపోర్ట్

మహేష్ అంచనాలకు తగినట్టే సినీ విమర్శకుడు ఉమేర్ సంధూ ఆసక్తికరమైన ట్వీట్ చేశారు. బ్రేకింగ్ న్యూస్.. భరత్ అనే నేను ఫస్ట్ కాపీ వచ్చింది. రెస్పాన్ చాలా అద్భుతంగా ఉంది. ఇన్‌సైడర్ వర్గాలు వెల్లడించిన ప్రకారం.. మహేష్‌బాబు కెరీర్‌లోనే అతి పెద్ద హిట్‌గా నిలువబోతుంది. భరత్ అనే నేను సినిమాతో మహేష్ రికార్డులు తిరగరాయడం ఖాయం అని ఉమేర్ ట్వీట్‌లో పేర్కొన్నారు.