Don't Miss!
- Automobiles మరింత తక్కువ ధరలో బజాజ్ చేతక్ ఇ స్కూటర్.. త్వరలో లాంచ్.!!
- Technology Dell నుంచి నాలుగు కొత్త Ai ల్యాప్టాప్లు! ధర,స్పెసిఫికేషన్లు
- News భారీ వర్షం - వాతావరణ శాఖ బిగ్ అలర్ట్..!!
- Sports రోహిత్పై గౌరవం..అంతకుమించి ఏం లేదు: పుకార్లపై ప్రీతి జింటా ఫైర్
- Lifestyle వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
భరత్ అనే నేను సక్సెస్ మీట్: మహేష్బాబు లేకపోతే ఈ సినిమా లేదు..
ప్రిన్స్ మహేష్బాబు, దర్శకుడు కొరటాల శివ కాంబినేషన్లో వచ్చిన భరత్ అనే నేను చిత్రం విజయఢంకా మోగిస్తున్నది. భారీ వసూళ్లను సాధిస్తూ బ్లాక్బస్టర్గా దిశగా దూసుకెళ్తున్నది. ఈ నేపథ్యంలో భరత్ అనే నేను సక్సెస్ మీట్ను హైదరాబాద్లో నిర్వహించారు. ఈ కార్యక్రమంలో ప్రిన్స్ మహేష్బాబు, సంగీత దర్శకుడు దేవీ శ్రీ ప్రసాద్, కియారా అద్వానీ, డీవీవీ దానయ్య తదితరులు పాల్గొన్నారు. ఈ వేడుకలో దర్శకుడు కొరటాల శివ మాట్లాడుతూ..
Recommended Video
ప్రేక్షకుల ఆదరణతో ఆనందంలో
మంచి ఆలోచనను రాయడం కథగా రాయడం తేలిక. కానీ అలాంటి ఆలోచనను పెద్ద హృదయంతో ప్రేక్షకులు ఆదరించడం చాలా కష్టమే. నిజాయితీతో కూడిన ప్రయత్నాన్ని ఆదరించడంతో మేము ఓ షాక్ గురయ్యాం. ఆనందంలో మునిగిపోయాం. ప్రేక్షకుల తీర్పుతో ఒక సంవత్సరం పాటు పడిన కష్టం దూది పింజలా ఎగిరిపోయింది. నేను స్క్రిప్టును ఎంతగా ప్రేమిస్తానో. నా టీం అంతగా ప్రేమిస్తుంది.
మహేష్బాబుతో ఉన్నప్పుడు..
మహేష్ లాంటి హీరో ఉన్నప్పుడు స్ట్రిప్టు స్టేజ్లో ఉన్నప్పుడు ఏదో చేయాలని, రాయాలని అనిపిస్తుంది. మహేష్కు ఓ ఛాలెంజింగ్ పాత్ర ఇవ్వాలని ఆరు నెలలు కష్టపడ్డాం. తెర మీద సినిమా చూసినపుడు మహేష్ నటన, ఆయన వేరియేషన్స్ చూసి డైరెక్టర్గా నేనే ఓ రకమైన ఫీలింగ్ కలిగింది.
మహేష్బాబు సపోర్ట్ అద్భుతం
భరత్ అనే నేను సినిమా విషయంలో మహేష్ బాబు ఇచ్చిన సపోర్ట్ చాలా అద్భుతమైంది. మాట వరుసకు చెప్పడం లేదు. మీరు లేకపోతే భరత్ అనే నేను సినిమాకు ఇంత పెద్ద రిజల్ట్ రాదు. మహేష్ బాబు సినిమా అంటే ఇప్పుడు స్పెషలే. మళ్లీ మళ్లీ ఎప్పుడు ఆయనతో సినిమా చేయాలనే తప్పన ఉంటుంది.
గొప్పగా చిత్రం తీయాలని
నా కెరీర్లో భారీ బడ్జెట్, ఎక్కువ రోజులు షూటింగ్ చేసింది ఇదే. అందుకు కారణం నిర్మాత డీవీవీ దానయ్య. ఖర్చు గురించి ఆలోచించవద్దు. కానీ ప్రతీ షెడ్యూల్కు ముందు సినిమా గొప్పగా రావాలని దానయ్య చెబుతుండేవారు. షూటింగ్ తర్వాత రాత్రి ఇంటికి వెళ్తే దానయ్యే గుర్తొచ్చేవారు. ఆయన అనుకున్నట్టు నేను సినిమా తీస్తున్నానా అనే అనుమానం కలిగేది.
దేవీ శ్రీ ప్రసాద్ ఉండే భయం ఉండదు
మ్యూజిక్ విషయంలో దేవీ శ్రీ ప్రసాద్ కోఆపరేషన్ అద్భుతం. ఆయన ఉంటే నాకు ఎలాంటి భయం ఉండదు. ఈ సినిమా కోసం దేవీ పడిన శ్రమ మాటల్లో చెప్పలేను అని కొరటాల అన్నారు. ఈ చిత్రంలో నటించిన బ్రహ్మాజీ, శరత్ కుమార్, ప్రకాశ్ రాజ్ అందించిన ప్రోత్సాహం మరువలేనిది అని కొరటాల శివ తెలిపారు.