భార్గవి షీల్డ్ నావద్దే ఉంది: డైరెక్టర్

By Staff

Published: Thursday, December 18, 2008, 16:29 [IST]

వర్ధమాన హీరోయిన్ భార్గవి హత్యను సినీ ప్రముఖులు ఖండించలేదని ఆమె బంధువులు బాధపడినా ఆమె కోసం అనేక కళ్ళ నుంచి నీటి చుక్కలు నేలరాలుతున్నాయి. గుంటూరు జిల్లా గోరంట్లకు ఆమె మృతదేహం చేరుకున్నప్పుడు ఆ వూళ్ళో కొందరు కంట తడి పెట్టడం, మరి కొందరు డాబాల మీద నుంచి ఆమె మృతదేహంపై పూలు చల్లడం కనిపించింది. ఆమె ఆ వూళ్ళో ఎక్కువ కాలం ఉండకపోయినా ఆ అభిమానానికి కారణం ఆమె నటించిన "అష్టాచెమ్మా" సినిమానే.

"ఆ సినిమా వందరోజుల ఉత్సవానికి ఆమె రాలేకపోయింది. ఆ షీల్డ్ ఇంకా మా ఆఫీసులోనే ఉంది. తెలుగు చక్కగా మాట్లాడగలిగిన అచ్చ తెలుగు హీరోయిన్ ను కోల్పోయాం. సెట్స్ లో ఆమె ఏకాగ్రత నటన మీదే ఉండేది. ఎన్ని బాధలు ఉన్నా, అవి ఆమె మొహంలో కన్పించేవి కావు" అని అష్టాచెమ్మ డైరెక్టర్ మోహన కృష్ణ గుర్తుచేసుకున్నారు. భార్గవి నటించిన "అమ్మమ్మ డాట్ కాం" సీరియల్ రచయిత్రి సీత అయితే ఆమెను తలుచుకుని కన్నీరు మున్నీరు అయ్యారు.

More from Filmibeat