Don't Miss!
- News తండ్రైన ముఖ్యమంత్రి: తొలి నేతగా రికార్డ్
- Technology 6.67 అంగుళాల డిస్ప్లే, ట్రిపుల్ కెమెరాతో వివో కొత్త ఫోన్... లాంచ్, స్పెసిఫికేషన్ల వివరాలు..!
- Sports IPL 2024: రెండుగా చీలిన ముంబై ఇండియన్స్.. హార్దిక్ మాట వినని రోహిత్ గ్రూప్!
- Automobiles నితిన్ గడ్కరీ కీలక ప్రకటన.. వాహనదారులు తప్పక తెలుసుకోవాల్సిందే!
- Lifestyle First Surya Grahan: ఏప్రిల్ నెలలో మొదటి సూర్య గ్రహణం ఎప్పుడు? సూతక కాలం
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
గెలిచే వరకు పోరాడుతా : లైంగిక దాడి పై హీరోయిన్ భావన!
ఈ ఘటన కేవలం డబ్బు కోసమే చేసారని నేను భావించడం లేదు. కేవలం డ్రైవర్ కి ఇదంతా చేసే ధైర్యం ఉంటుందని నేను నమ్మడం లేదు. అలా అని ఈ ఘటన వెనుక నా శత్రువుల హస్తం ఉందని చెప్పడం లేదు.
హైదరాబాద్: మలయాళ హీరోయిన్ భావన జీవితంలో కొన్ని రోజుల క్రితం జరిగిన సంఘటన సౌత్ సినీ పరిశ్రమ మొత్తాన్ని కదిలించింది. భావన మాజీ డ్రైవర్ మరికొందరితో కలిసి ఆమెను కిడ్నాప్ చేసి కారులో తిప్పుతూ అసభ్యంగా లైంగిక వేధింపులకు పాల్పడిన సంగతి తెలిసిందే. భావనను అసభ్యంగా ఫోటోలు, వీడియోలు తీసిన డబ్బు డిమాండ్ చేసారు.
ఈ ఘటనపై భావన ధైర్యంగా పోలీసులకు ఫిర్యాదు చేసింది. అయితే భావనకు మళయాల సినీ పరిశ్రమలో శత్రువులు ఉండటంతో ఈ సంఘటన వెనక వారి హస్తం ఉందా? లేక కేవలం డబ్బు కోసమే ఇదంతా జరిగిందా? అనే అనుమానాలు అనేకం ఉన్నాయి. తాజాగా ఈ పరిణామాలపై భావన స్పందించారు.
గెలిచే వరకు పోరాడతా
ఈ ఘటన కేవలం డబ్బు కోసమే చేసారని నేను భావించడం లేదు. కేవలం డ్రైవర్ కి ఇదంతా చేసే ధైర్యం ఉంటుందని నేను నమ్మడం లేదు. అలా అని ఈ ఘటన వెనుక నా శత్రువుల హస్తం ఉందని చెప్పడం లేదు. దీని వెనక ఎవరు ఉన్నారనే దానికి నాకు సమాధానం కావాలి. నేను గెలిచే వరకూ పోరాడతా అని భావన స్పష్టం చేసారు.
నేరం చేసినోళ్లే సిగ్గు పడాలి
ఇలాంటి ఘటనలు ఎదురైనపుడు బయటపెట్టడానికి భయపడకూడదు. తప్పు చేసినోళ్లకు తప్పించుకునే ఛాన్స్ ఇవ్వకూడదు. ఇలాంటివి ఎదురైతే మహిళలు సిగ్గు పడ కూడదు...నేరం చేసినోళ్లే సిగ్గు పడేలా చేయాలి అని భావన చెప్పుకొచ్చారు.
తప్పు చేశాననే బాధతో గడపాల్సి వచ్చేది
నేను ఈ ఘటనపై మౌనం వహించి ఉంటే నలుగురిలో దీని గురించి మాట్లాడలేదనే అపరాధ భావంతో తల ఎత్తుకోలేక పోయేదాన్ని. తప్పు చేశాననే బాధతో ఎన్నో నిద్రలేని రాత్రులు గడపాల్సి వచ్చేది. అందుకే పోలీసులకు ఫిర్యాదు చేసా, నాకు న్యాయం జరిగే వరకు పోరాడుతాను అని భావన ఈ సందర్భంగా తేల్చి చెప్పారు.
నా వ్యవహార శైలి అంతే
సినీ పరిశ్రమలో నా శ్రతువుల గురించి కొందరు నాకు సలహాలు ఇస్తున్నారు. రాజకీయాల్లో శాశ్వత మిత్రులు, శాశ్వత శత్రువులు ఉండరు.... అలాగే సినిమాల్లోనూ అంతే రాజీ పడాలని కోరుతున్నారు. కానీ పరిశ్రమలో నాకు శాశ్వత మిత్రులు, శాశ్వత శత్రువులు ఉన్నారు...నేను చేయని తప్పుకు ఎప్పటికీ రాజీపడను, క్షమాపణ చెప్పను అని భావన తెలిపారు.