మేం లేకుండా మీడియా.. ఎన్టీఆర్

By Staff

Published: Monday, December 1, 2008, 10:16 [IST]

'ఇవాళ మీడియా రంగం ప్రభావశీలంగా ఉంది. మేం లేకుండా మీడియా, మీడియా లేకుండా మేమూ ఈ స్థాయికి చేరుకోలేదు. పరస్పర సహకారంతో కొనసాగుతున్నామ''ని ఎన్టీఆర్‌ పేర్కొన్నారు.అలాగే ''కొత్త బ్యానర్లు, నటీనటులు, సాంకేతిక నిపుణులు వస్తే సినిమా పరిశ్రమ పచ్చగా ఉంటుంది. పది మందికి పని దొరుకుతుంది ఆయన తెలియచేసారు. భూమిక.. తన భర్త భరత్‌ఠాకూర్‌తో కలిసి డౌన్‌టౌన్‌ ఫిలిమ్స్‌ అనే సినీ నిర్మాణ సంస్థను ప్రారంభించిన సంధర్భంగా ఏర్పాటు చేసిన ప్రెస్ మీట్ లో ఆయనలా స్పందిచారు. అనంతరం ఎన్‌.టి.ఆర్‌. భూమిక స్థాపించిన సినిమా పత్రిక 'మాయానగర్‌'ను ఆవిష్కరించారు.ఇక ఈ కొత్త సంస్ధ ప్రముఖ నిర్మాత డా||డి.రామానాయుడు చేతుల మీదుగా ఈ సంస్థ ఇటీవల హైదరాబాద్‌లో ప్రారంభమైంది.

ఈ సందర్బగా భూమిక మాట్లాడుతూ 'తెలుగు పరిశ్రమ నన్ను ఎంతగానో ఆదరించి అక్కున చేర్చుకుంది. అలాంటి పరిశ్రమకు నేను, మా వారు కలిసి రుణం తీర్చుకోవాలనుకున్నాం. అందులో భాగంగానే తెలుగులో సినిమాలను నిర్మించాలనుకుంటున్నాం. భరత్‌ఠాకూర్‌కు ఎప్పటినుంచో ఉన్న లక్ష్యం ఇది. నా సంకల్పం కూడా దానికి తోడయ్యింది. ఇవాళ మీ ముందు ఇలా నిలుచున్నాం'' అని భూమిక పేర్కొన్నారు.

డౌన్‌టౌన్‌ ఫిలిమ్స్‌ పతాకంపై కొత్త నటీనటులతో 'తకిట తకిట' అనే చిత్రాన్ని తొలుత రూపొందించనున్నారు. శ్రీహరి నాను దర్శకుడు. కోనవెంకట్‌ కథను సమకూరుస్తారు. సెంథిల్‌ ఛాయాగ్రాహకుడిగా పనిచేస్తారు. ఈ చిత్రం ఈ నెలలోనే సెట్స్‌మీదకు వెళ్తుంది.ఈ కార్యక్రమంలో జగపతిబాబు, కె.యస్‌.రామారావు, వి.వి.వినాయక్‌, ఛోటా కె.నాయుడు, వరుణ్‌ సందేశ్‌, నిఖిల్‌, ఇలియానా, సుబ్బరాజు, సుహాని, గాయత్రి, మొనాలి చౌదరి తదితరులు పాల్గొని భూమిక దంపతులకు శుభాకాంక్షలు తెలిపారు.

More from Filmibeat