twitter
    For Quick Alerts
    ALLOW NOTIFICATIONS  
    For Daily Alerts

    ఆయన పనితనం నచ్చే కమిటయ్యా...భూమిక

    By Srikanya
    |

    ఆయనలోని పనితనాన్ని గమనించాను. తను అనుకున్నది తెరపై వచ్చేంత వరకు రాజీపడడు..అందుకే మరోసారి రవిబాబు చిత్రం 'అమరావతి' చేసాను అంటోంది భూమిక. 'అమరావతి' చిత్రం ప్రమోషన్ లో భాగంగా ఆమె మీడియాతో మాట్లాడింది...'అమరావతి'లో నటించడానికి ప్రేరేపించిన కారణాలు చెప్తూ...కథ, అందులోని నా పాత్ర. అన్నింటికన్నా మించి దర్శకుడు రవిబాబు. నాకు తెలిసి ఆయన చాలా మంచి దర్శకుడు. సినిమా రంగానికి సంబంధించిన అన్ని శాఖలపై పూర్తి అవగాహన ఉన్న వ్యక్తి. ప్రతీది ప్రణాళిక ప్రకారం చేస్తాడాయన. 'అనసూయ' సమయంలోనే ఆయనలోని పనితనాన్ని గమనించాను. తను అనుకున్నది తెరపై వచ్చేంత వరకు రాజీపడడు అంటోంది. అలాగే వరసగా థ్రిల్లర్‌ చిత్రాలకే ఫిక్స్ కాలేదని చెప్తూ..నేను ఈ తరహా చిత్రాల్లోనే నటించాలని నేనెప్పుడూ ఫిక్సవ్వను. నాకు లభించిన అవకాశాలను సద్వినియోగ పరుచుకొని నటీమణిగా నన్ను నేను నిరూపించుకోవడానికి ప్రయత్నిస్తుంటాను.

    ఇక అమరావతి చిత్రం సక్సెస్ ఇచ్చిందా అన్నదానికి..ప్రతి సినిమా 'అనసూయ'లా వుండాలనుకుంటే ఎలా..అనసూయ అనసూయే.. అమరావతి..అమరావతే..దేని ప్రత్యేకత దానిది. నాకు రెండు చిత్రాలు సంతృప్తినే ఇచ్చాయి.అయినా ఇప్పటి వరకు నా కెరీర్‌లో ఎన్నో వైవిధ్యమైన పాత్రలు చేశాను. ఒక దానితో మరొకదానికి పోలిక వుండ కుండా జాగ్రత్తపడ్డాను. ఒకే ఇమేజ్‌ చట్రంలో వుండటం నాకస్సలు ఇష్టం వుండదు. అందుకే వైవిధ్యానికే పెద్ద పీట వేస్తాను. 'అనసూయ' తర్వాత 'మల్లెపువ్వు' చిత్రంలో ఓ డిఫరెంట్‌ పాత్రను చేశాను. కమర్షియల్‌గా ఆ చిత్ర విజయాన్ని పక్కన పెడితే ఆ చిత్రం కూడా నటిగా నా దాహాన్ని తీర్చింది. ప్రస్తుతం ఆమె యాగం, కొత్తబంధం చిత్రాల్లో చేస్తోంది. తమిళంలో కూడా ఓ చిత్రంలో నటిస్తున్నాను అని చెప్తూ...త్వరలో ఎవరూ ఎక్స్‌పెక్ట్‌ చేయని ఓ చాలెంజింగ్‌ రోల్‌తో మీ ముందుకు రాబోతున్నాను అంటోంది.

     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X