కష్టాల్లో భూమిక, భర్త వల్ల ఫ్యామిలీ మొత్తం..హాట్ ఫోటో షూట్‌కు కారణం ఇదే!

బ్లాక్ బస్టర్ చిత్రంతో

యువకుడు చిత్రంతో సినీరంగ ప్రవేశం చేసిన భూమిక వెంటనే పవర్ స్టార్ పవన్ కళ్యాణ్ సరసన నటించే ఛాన్స్ దక్కించుకుంది. ఖుషి చిత్రంలో వీరిద్దరూ జంటగా నటించాడు. ఖుషి బ్లాక్ బస్టర్ హిట్ గా నిలవడంతో భూమికకు మంచి క్రేజ్ ఏర్పడింది. అదే జోరు కొనసాగిస్తూ మహేష్ బాబు సరసన ఒక్కడు చిత్రంలో, ఎన్టీఆర్ సరసన సింహాద్రి చిత్రంలో నటించి ఘనవిజయాలు సొంతం చేసుకుంది. తాను ప్రధాన పాత్రలో నటించిన మిస్సమ్మ చిత్రం కూడా విజయం సాధించింది.

పెళ్ళైన తర్వాత

భూమిక వివాహం తర్వాత కూడా సినిమాలని కొనసాగించింది. కానీ వివాహం తర్వాత ఆమెకు పెద్దగా కలసిరాలేదనే చెప్పాలి. సరైన విజయాలు దక్కలేదు. టాలీవుడ్ కు కాస్త గ్యాప్ ఇచ్చి నాని ఎంసీఏ చిత్రంతో సెకండ్ ఇన్నింగ్స్ ప్రారంభించింది. ఎంసీఏ, యూటర్న్ చిత్రాలు బాగానే ఆడడంతో అదే జోరు కొనసాగించాలని భూమిక భావిస్తోంది.

ఆర్థిక ఇబ్బందులు

ఇటీవల భూమిక కుటుంబానికి ఆర్థిక ఇబ్బందులు ఎక్కువయ్యాయని వార్తలు వస్తున్నాయి. ఆమె భర్త చేస్తున్న వ్యాపారాలు నష్టాల పాలు కావడంతో నలువైపులా నుంచి భూమిక ఫ్యామిలీని ఆర్థిక సమస్యలు చుట్టుముట్టాయి. దీనితో భూమిక తిరిగి నటిగా రాణించాల్సిన పరిస్థితి ఏర్పడింది. అందుకే టాలీవుడ్ లో తనకు ఉన్న పరిచయాలతో అవకాశాలు దక్కించుకునే ప్రయత్నాలు చేస్తోందట. తమిళంలో కూడా తనకు పరిచయం ఉన్న దర్శక నిర్మాతలతో భూమిక సంప్రదింపులు ప్రారంభించినట్లు తెలుస్తోంది.

హాట్ ఫోటో షూట్

సినిమా అవకాశాల కోసం భూమిక గ్లామర్ అస్త్రాన్ని కూడా ప్రయోగిస్తోంది. ఇటీవల తరచుగా ఫోటో షూట్స్ చేస్తోంది. తాజాగా భూమిక చేసిన ఫోటో షూట్ నెటిజెన్లని ఆకట్టుకుంటోంది. చాలా కాలం తర్వాత భూమిక హాట్ లుక్ లో కనిపిస్తోందని కామెంట్స్ చేస్తున్నారు. బ్లాక్ డ్రెస్ లో, ట్రెండీ లుక్ లో ఉన్న భూమిక ఫోటోలు వైరల్ అవుతున్నాయి. భూమిక చేస్తున్న ఈ ప్రయత్నం ఏ మేరకు ఫలితాన్ని ఇస్తుందో చూడాలి.