నిర్మాతగా భూమిక

By Staff

Published: Wednesday, March 11, 2026, 11:17 [IST]

ఫిల్మ్ నగర్ లో భూమిక నిర్మాతగా మారబోతోందనే హాట్ న్యూస్ ఒక్కసారిగా గుప్పుమంది. షాకయిన వారికి ఆమె ఒకేసారి ఐదు సినిమాలు ప్రారంభించాలనే ఆలోచనతో వస్తోదనగానే నోటమాట లేదట. అందుకోసం డౌన్ టౌన్ ఫిల్మ్ అనే బ్యానర్ కూడా పెట్టింది .తన బ్యానర్ ద్వారా మినిమం బడ్జెట్ లో మంచి సినిమాలు చేయాలనే ఆలోచనలో ఉందిట. తనకి 'అనసూయ' తో హిట్టిచ్చిన రవిబాబేనే మొదటి సినిమా కి దర్శకుడుగా ఎంపిక చేసింది.

ఆ సినిమా టైటిల్ కూడా గమ్మత్తుగా 'దూరం' అని పెట్టారు. వివాహం అయ్యాక రిలీజయిన 'అనసూయ' హిట్టవటంతో భూమిక చాలా హుషారుగా ఉంది. దాంతో ఈ తరహా కొత్త ప్రాజెక్టులకు శ్రీకారం చుడుతోంది. ఈ సినిమాలో భూమిక తో పాటు ఛార్మి కూడా మరో ముఖ్య పాత్ర పోషించే అవకాశం ఉందిట. ఆమె 'మంత్ర' తో తెలుగు వారి హాట్ ఫేవరెట్ గా మారింది.

More from Filmibeat